မြေလတ်အသံ၊ နိုဝင်ဘာ ၂၉၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ နိုဝင်ဘာ ၂၈၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
ပဲခူး၊ နိုဝင်ဘာ ၂၈၊ ၂၀၂၅ ။
ပဲခူးမြို့မှာ လူသတ်မှု၊ လုယက်မှုကျူးလွန်သူ ၃ ဦးကို ပဲခူးခရိုင်တရားရုံးက မသေမချင်းကြိုးကွင်းစွပ်သတ်ဖို့ သေဒဏ်အမိန့်ချမှတ်လိုက်တယ်လို့ ပဲခူးရဲတပ်ဖွဲ့အသိုင်းအဝိုင်းနဲ့နီးစပ်သူတွေဆီက သိရပါတယ်။
သေဒဏ်ချမှတ်ခံရသူတွေဟာ လူသတ်မှု၊ လုယက်မှုဥပဒေပုဒ်မတွေနဲ့ တရားစွဲဆိုခံထားရတဲ့ မျိုးမင်းပိုင်(ခ)ကာတွန်း၊ အောင်မျိုးမင်း(ခ)အောင်အောင်နဲ့ ဝင်းကျော်တို့ဖြစ်ပြီး နိုဝင်ဘာ ၂၇ ရက်မှာ ပဲခူးခရိုင်တရားရုံးက ၎င်းတို့ ၃ ဦးကို သေဒဏ်ချမှတ်ခဲ့တာပါ။
” မနှစ်က ကေစ့်(အမှု)ကို သေဒဏ်ချတာ။ ၂၀၂၄ တုန်းက ဆိုင်ကယ်ရောင်းဝယ်လုပ်မယ်ဆိုပြီးခေါ်သွားတာ ၁ ယောက်က။ ကျန် ၂ ယောက်ကစောင့်ပြီး ဓားနဲ့ထိုးတာ။ ထွက်ပြေးတာကို နောက်ကလိုက်ထိုးတာ မသေမချင်း။ အဲ့ဒါကိုသေဒဏ်ချတာ။ အင်းစိန်ကိုချက်ချင်းပို့တာ။ လူသတ်မှုက အင်းစိန်ပို့ရတာ” လို့ ပဲခူးရဲတပ်ဖွဲ့အသိုင်းအဝိုင်းနဲ့နီးစပ်သူ မြို့ခံတဦးက မြေလတ်အသံကို ပြောပါတယ်။
၂၀၂၄ ဧပြီ ၂၆ ရက် ညနေပိုင်းက ဥဿာမြို့သစ် ၈ ရပ်ကွက်မှာနေထိုင်တဲ့ ဆိုင်ကယ်တက္ကစီမောင်းသူ အသက် ၄၃ နှစ်ရှိ ဦးတင်နိုင်စိုး မြသီတာရွာ၊ ဗားမဲ့ဘုန်းကြီးကျောင်းအနီးဘောလုံးကွင်းအတွင်း အသတ်ခံခဲ့ရမှုမှာ ပြစ်မှုကျူးလွန်သူတွေလို့ယူဆရတဲ့ မျိုးမင်းပိုင်(ခ)ကာတွန်း၊ အောင်မျိုးမင်း(ခ) အောင်အောင်နဲ့ ဝင်းကျော် တို့ ၃ ဦးကို အခင်းဖြစ်ပွားပြီး ၁ ပတ်ခန့်အကြာမှာ ရဲကဖမ်းဆီးခဲ့တာလို့ သိရပါတယ်။
ရဲစစ်ဆေးချက်အရ မျိုးမင်းပိုင်ဟာ ငွေကြေးအခက်အခဲရှိတာကြောင့် သူငယ်ချင်းတွေဖြစ်တဲ့ အောင်အောင်(ခ)အောင်မျိုးမင်း ၊ ဝင်းကျော်တို့နဲ့ တိုင်ပင်ကာ ၎င်းနဲ့ရင်းနှီးတဲ့ ဦးတင်နိုင်စိုးထံက ဆိုင်ကယ်နဲ့ငွေကြေးတွေလုယူရန် တိုင်ပင်ခဲ့ကြကြောင်း၊ ၎င်းနောက် ဦးတင်နိုင်စိုးကို ဆိုင်ကယ်အရောင်းအဝယ်ရှိကြောင်း အခင်းဖြစ်နေရာကိုချိန်းဆိုလိုက်ပြီး ရောက်ရှိလာချိန်မှာ ဓား၊ စကေဘာအသုံးပြုကာ ဝိုင်းဝန်းသတ်ဖြတ်ခဲ့ပြီးနောက် ဦးတင်နိုင်စိုးရဲ့ ဆိုင်ကယ်၊ လက်ကိုင်ဖုန်းနဲ့ လက်စွပ် ၁ ကွင်း တို့ကို လုယက်ခဲ့ကြောင်း စစ်ဆေးပေါ်ပေါက်ခဲ့တယ်လို့ ရဲစခန်းနဲ့နီးစပ်သူမြို့ခံတဦးထံက သိရပါတယ်။
အဲ့ဒီနောက် ၎င်းတို့ ၃ ဦးကို ပဲခူးအချုပ်ထောင်မှာ ချုပ်နှောင်ထားကာ လူသတ်မှု၊ လုယက်မှုပုဒ်မတွေနဲ့ ပဲခူးခရိုင်တရားရုံးနဲ့ ၁ နှစ်ခွဲကြာ အမှုစစ်ဆေးပြီးနောက် ယမန်နေ့မှာ သေဒဏ်တွေအသီးသီးချမှတ်ခဲ့တာလည်း ဖြစ်ပါတယ်။
စာတည်း – ဟိန်းစံ
နတ်တလင်း၊ နိုဝင်ဘာ ၂၇၊ ၂၀၂၅။
ပဲခူးတိုင်းအနောက်ခြမ်း၊ သာယာဝတီခရိုင်၊ နတ်တလင်းမြို့နယ် ရှားဖြူကုန်းရွာက စစ်ကော်မရှင်တပ်ရဲ့စစ်ဆေးရေးဂိတ်ကို နိုဝင်ဘာ ၂၆ ရက်နေ့ မနက်က ဝင်ရောက်တိုက်ခိုက်ခဲ့တယ်လို့ ဧရာညီနောင်စစ်ကြောင်းဆီက သိရပါတယ်။
စစ်သား၊ ရဲနဲ့ပျူစောထီး ၈ ဦးခန့် တပ်စွဲထားတဲ့ရှားဖြူကုန်းရွာက စစ်ကော်မရှင်စစ်ဆေးရေးဂိတ်ကို မနက် ၁၀ နာရီ ၁၁ မိနစ်မှာ ဝင်ရောက်ပစ်ခတ်ခဲ့တာလို့ ဆိုပါတယ်။
အဆိုပါဂိတ်ကိုတိုက်ခိုက်ချိန်မှာ စစ်ကော်မရှင်ဘက်ကလည်း ပြန်လည်ပစ်ခတ်ခဲ့ပြီးနောက်ဂိတ်ကိုစွန့်ခွာသွားတယ်လို့ ဆိုပါတယ်။
ပစ်ခတ်မှုအတွင်းမှာ စစ်ကော်မရှင်ဂိတ်က ဆိုင်ကယ် ၄ စီးနဲ့စကားပြောစက် ၁ လုံးတို့ကိုသိမ်းဆည်းနိုင်ခဲ့ပြီး စစ်ကော်မရှင်တပ်သား ၁ ဦးသေဆုံးကာ ၂ ဦးဒဏ်ရာရသွားတယ်လို့ ဆိုပါတယ်။
“ကိုယ့်ဘက်ကတော့အရင်ပစ်ရတာ၊ သူတို့က ၈ ယောက်တည်းလေ၊ ဝုန်းဒိုင်းကြဲအောင်ပစ်လည်းပြီးရော နောက်ဆုတ်လိုက်ရတာ၊ နောက်ဆုတ်ပြီးတော့မှ ပြန်ပြီးတခါဝင်စီးပြီးတော့မှ ပစ္စည်းတွေသိမ်းတဲ့အချိန်မှာ သွေးတွေပဲတွေ့တော့တယ်၊ အလောင်းမရဘူး၊ လက်နက်မရဘူး၊ ကျန်ရစ်ခဲ့တဲ့ဆိုင်ကယ်တွေကိုပဲသိမ်းလာတာ၊ ICOM ၁ လုံးနဲ့ ဆိုင်ကယ် ၄ စီးပဲရတာ”လို့ ၃၈၀၁ တပ်ရင်း ဒုတပ်ရင်းမှူး ဦးညီ ကပြောပါတယ်။
ပစ်ခတ်မှုအတွင်းမှာ တော်လှန်ရေးတပ်တွေဘက်က အထိအခိုက်မရှိ ပြန်ဆုတ်ခွာနိုင်ခဲ့တယ်လို့လည်း ဆိုပါတယ်။
ဒီတိုက်ခိုက်မှုကို သာယာဝတီ ခရိုင်တပ်ရင်း ၃၈၀၁၊ တပ်ခွဲ ၆၊ ဧရာညီနောင် စစ်ကြောင်း နဲ့ နတ်တလင်းပကဖ တို့က ပူးပေါင်းတိုက်ခိုက်ခဲ့ကြတာပါ။
နိုဝင်ဘာ ၂၃ ရက်နေ့ကလည်း သာယာဝတီခရိုင် ကြို့ပင်ကောက်မြို့က စစ်ကော်မရှင်စစ်ဆေးရေးဂိတ်ကို တပ်ရင်း ၃၈၀၂ တပ်ခွဲ ၄ ကဝင်ရောက်တိုက်ခိုက်ရာ စစ်ကော်မရှင်ဘက်က ၅ ဦးသေပြီး သေနတ် ၃ လက်ရခဲ့ပါသေးတယ်။
တည်းဖြတ် – HP
မြေလတ်အသံ၊ နိုဝင်ဘာ ၂၆၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ နိုဝင်ဘာ ၂၅၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
ဝေါ၊ နိုဝင်ဘာ ၂၅၊ ၂၀၂၅။
ပဲခူးတိုင်း၊ ဝေါမြို့နယ်၊ စက်စုကျေးရွာက စစ်ကော်မရှင်လက်အောက်အုပ်ချုပ်ရေးမှူးနဲ့ ပြည်သူ့စစ်တွေအပါ ၄ ဦးကို လက်နက်ကိုင်အဖွဲ့တခုက ဖမ်းဆီးသွားတယ်လို့ ကျေးရွာနဲ့နီးစပ်သူတွေထံက သိရပါတယ်။
ဖမ်းဆီးခံရသူတွေဟာ ကျေးရွာအုပ်ချုပ်ရေးမှူး အသက် ၅၃ နှစ်အရွယ် ဦးတင်စိုး၊ ရွာခံဖြစ်တဲ့ အသက် ၃၅ နှစ်အရွယ် ကိုလင်းနဲ့ အသက် ၃၀ ကျော်အရွယ် ပြည်သူ့စစ် ၂ ဦးတို့ဖြစ်ပြီး နိုဝင်ဘာ ၂၃ ရက် မနက် ၅ နာရီခန့်မှာ ကျေးရွာထဲကနေအိမ်တွေမှာ လာရောက်ဖမ်းဆီးသွားတယ်လို့ ဆိုပါတယ်။
” ရွာမှာက စစ်တပ်ကအမြဲတမ်းမရှိဘူး။ ဟိုရက်တွေကရှိတယ်။ သူတို့ထွက်သွားပြီးမှလာတာ။ ပြည်သူ့စစ်ရှိတာကို ပြည်သူ့စစ် ၂ ဦးပါ ပါသွားတာ။ ကိုလင်းကတော့ရွာသားဘဲ” လို့ ကျေးရွာနဲ့နီးစပ်သူတဦးက မြေလတ်အသံကို ပြောပါတယ်။
ဖမ်းဆီးခံရသူ ၄ ဦးကိုတော့ ရွှေကျင်မြို့နယ်ဘက်ကို ဖမ်းခေါ်သွားတယ်လို့ သိရပြီး နိုဝင်ဘာ ၂၅ ရက်အထိ မိသားစုဝင်တွေနဲ့အဆက်အသွယ်မရဘူးလို့ ဆိုပါတယ်။
အုပ်ချုပ်ရေးမှူး ဦးတင်စိုးဟာ စစ်ကောင်စီခန့်အုပ်ချုပ်ရေးမှူးတဦးဖြစ်သလို စစ်တပ်လက်အောက်ပြည်သူ့စစ်အဖွဲ့တွေနဲ့ပေါင်းပြီး စစ်မှုထမ်းကြေးကောက်တာ၊ စစ်ကောင်စီတပ်ဖွဲ့တွေ ကျေးရွာကိုရောက်လာပါက ဧည့်ခံတာ၊ စစ်ကောင်စီဘက်ကခိုင်းတာတွေကိုပြုလုပ်ပေးနေသူလို့ ဆိုပါတယ်။
အုပ်ချုပ်ရေးမှူးနဲ့ပြည်သူ့စစ်၊ ရွာခံတွေကို ဖမ်းဆီးသွားသူတွေကတော့ ဘာကြောင့်ဖမ်းဆီးတယ်ဆိုတာမျိုးသတင်းထုတ်ပြန်တာမရှိသေးပါဘူး။
စာတည်း – ဟိန်းစံ
မြေလတ်အသံ၊ နိုဝင်ဘာ ၂၄၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
ကြို့ပင်ကောက်၊ နိုဝင်ဘာ ၂၄၊ ၂၀၂၅။
ပဲခူးတိုင်း၊ ကြို့ပင်ကောက်မြို့နယ်၊ ကြည်စုရွာအနီးရှိ စစ်ကော်မရှင်စစ်ဆေးရေးဂိတ် တိုက်ခိုက်ခံရပြီး ထိခိုက်သေဆုံးမှုတွေရှိတယ်လို့ ဒေသခံတွေဆီက သိရပါတယ်။
နိုဝင်ဘာ ၂၃ ရက်မနက် ၁၀ နာရီကျော်မှာ ကြို့ပင်ကောက်ရဲစခန်းမှ ဒုရဲအုပ် ကျော်ဇင်ထွန်းပါ ရဲ ၂ ဦး၊ ပြည်သူစစ်ခေါင်းဆောင် ဦးသိန်းဝင်းဦးဆောင်တဲ့ ပြည်သူစစ် ၄ ဦးရှိနေတဲ့ စစ်ဆေးရေးဂိတ်ကို လက်နက်ကိုင်အဖွဲ့တခုက ဖောကားနဲ့လာပြီးပစ်ခတ်ခဲ့တာလို့ စစ်ကော်မရှင်ထောက်ခံတယ်လီဂရမ်ချန်နယ်မှာ ဖော်ပြထားပါတယ်။
“ပစ်ခတ်ခံရတဲ့ အခြေအနေတော့ သိရတယ်။ အသေးစိတ်တော့မသိရဘူး။ သေတာတွေတော့ရှိတယ်”လို့ မြို့ခံတဦးက မြေလတ်အသံကိုပြောပါတယ်။
ပစ်ခတ်ခံရလို့ စစ်ဆေးရေးဂိတ်မှာရှိနေတဲ့ ရဲ ၁ ဦးနဲ့ ပြည်သူစစ် ၄ ဦး စုစုပေါင်း ၅ ဦးသေဆုံးသွားပြီး သူတို့ကိုင်ဆောင်တဲ့ ဘီအေ ၆၃ ၁ လက်၊ ဘီအေ ၆၄ ၁ လက်၊ အမ်အေ ၁၃ ၁ လက်တို့ကိုပါ ပစ်ခတ်တဲ့ အဖွဲ့ကယူဆောင်သွားတယ်လို့ စစ်ကောင်စီထောက်ခံတယ်လီဂရမ်တွေမှာ ရေးသားဖော်ပြထားကြပါတယ်။
ပစ်ခတ်မှုဖြစ်ပြီးနောက်မှာ ကြို့ပင်ကောက်မြို့နယ်ရဲတပ်ဖွဲ့မှူး ရဲမှူးဝင်းသိန်းနဲ့ ကပစ ၅ က ဗိုလ်မှူး စိုင်းခန့်နိုင်အပါ အင်အား ၃၀ ခန့်က ပစ်ခတ်မှုဖြစ်တဲ့နေရာကိုရောက်လာပြီး စစ်ဆေးမှုတွေ ပြုလုပ်သွားတယ်လို့ ဆိုပါတယ်။
အဆိုပါပစ်ခတ်မှုနဲ့ပတ်သက်ပြီး သက်ဆိုင်ရာအဖွဲ့တွေဘက်ကတော့ သတင်းတစုံတရာ ထုတ်ပြန်တာမျိုးမရှိသေးပါဘူး။
နိုဝင်ဘာ ၂၂ ရက်ညပိုင်းကလည်း ဇီးကုန်းမြို့နဲ့ ၃ ဖာလုံအကွာရှိ ရွေအရိပ် KTV မှာသောက်စားနေတဲ့ ရဲနဲ့စစ်ကော်မရှင်တပ်သားတွေ ပစ်ခတ်ခံရပြီး ၇ ဦးသေဆုံးခဲ့သေးတယ်လို့ သိရပါတယ်။
စာတည်း – လင်း
မြေလတ်အသံ၊ နိုဝင်ဘာ ၂၃၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။