PDF

ပဲခူး၊ ဧပြီ ၂၃၊ ၂၀၂၂။

ပဲခူးတိုင်း၊ နတ်တလင်းမြို့နယ်ထဲက သာယာဝတီခရိုင် PDF စိုးမိုးနယ်မြေထဲ စစ်ကောင်စီအဖွဲ့ ဝင်‌ရောက်လာခဲ့လို့ မိုင်းဆွဲတိုက်ခိုက်ခံရပြီး ၅ဦးသေဆုံးကာ ၂ဦးဒဏ်ရာ ရရှိခဲ့တယ်လို့ ပဲခူးတိုင်း PDF စစ်ဒေသတာဝန်ရှိသူတဦးဆီက သိရပါတယ်။

နတ်တလင်းမြို့နယ် ဂွေ့ကြီးရွာနဲ့ ကျောက်ပြုတ်ရွာကြားကို အင်အား ၃၀နီးပါးနဲ့ ဝင်ရောက်လာတဲ့ စစ်အုပ်စုကို သာယာဝတီခရိုင် PDF တပ်ရင်း ၃၈၀၁ တပ်ခွဲ ၃ MRF အဖွဲ့က ဒီနေ့ မနက် ၈နာရီဝန်းကျင်မှာ မိုင်းဆွဲခဲ့တာဖြစ်တယ်လို့ ပဲခူးတိုင်း စစ်ဒေသတာဝန်ရှိသူတဦးက ပြောပါတယ်။

” ကျနော်တို့ စိုးမိုးနယ်မြေထဲ ဝင်လာလို့ တိုက်ခိုက်တာပါ၊ ၅ဦးသေပြီး ၂ ဦးက ဒဏ်ရာ ပြင်းထန်တယ်လို ထပ်သိရပါတယ်” လို့ ပြောပါတယ်။

နတ်တလင်းမြို့နယ်မှာ စစ်ကောင်စီက တော်လှန်ရေးနဲ့ မသက်ဆိုင်တဲ့ သူတွေကို ဖမ်းဆီးတာတွေ ဆက်တိုက်လုပ်နေပြီး ပြည်သူလူထုကို ဖိနှိပ်နေတာတွေအတွက် ပြန်ပေးဆပ်ရမယ်လို့ ပဲခူးတိုင်း စစ်ဒေသတာဝန်ရှိသူတဦးက ပြောပါတယ်။

” တခုခုဆို စကစက မဆိုင်သူတွေကို ဒုက္ခပေးဖမ်းဆီးမှုတွေ လုပ်နေပါတယ်။ အကြမ်းဖက် စကစ ဟာ လက်နက်မဲ့ ပြည်သူတွေအပေါ်မှာ မတရား အနိုင်ကျင့်နေတာတွေ အတွက် ပြန်ပေးဆပ်ရမှာပါ၊ စကစနဲ့ ပူးပေါင်းပြီး ပြည်သူတွေအပေါ်အနိုင်ကျင့်နေသူတွေလည်း ပြေးမလွတ်စေရပါဘူး” လို့ ပြောပါတယ်။

နတ်တလင်းမြို့နယ်မှာ စစ်ကောင်စီက လှပခြင်းကျေးရွာ အုပ်ချုပ်ရေးမှူးသတ်ခံရတာနဲ့ ပတ်သက်ပြီး အမျိုးသားလွှတ်တော်ကိုယ်စားလှယ်အပါအဝင် ပြည်သူ ၃၀ကျော်ကို ဧပြီ ၁၅ရက်က စပြီး ဖမ်းဆီးထားခဲ့ပါတယ်။

ပဲခူး၊ ဧပြီ ၁၄၊ ၂၀၂၂။

ပဲခူးတိုင်း၊ သာယာဝတီခရိုင်၊ နတ်တလင်းမြို့နယ်မှာ ကင်းလှည့်နေတဲ့ စစ်ကောင်စီအုပ်စုကို အကြိုနေ့ညပိုင်းမှာ မိုင်းဆွဲတိုက်ခိုက်ခဲ့လို့ အနည်းဆုံး ၃ဦးသေဆုံးပြီး ၇ဦးနီးပါး ဒဏ်ရာ ရခဲ့တယ်လို့ သိရပါတယ်။

နတ်တလင်းမြို့နယ်ကနေ တာပွန်ကို သွားတဲ့ ကျန်တောစုလမ်းဆုံအနီးမှာ ကင်းလှည့်ဖို့လာတဲ့ ကားတစီးနဲ့ ဆိုင်ကယ် ၈စီးကို သာယာဝတီခရိုင် PDF တပ်ရင်း ၁ တပ်ခွဲ ၁က ဧပြီ ၁၃ရက်ညက အဝေးထိန်းမိုင်း ၅လုံးခွဲပြီး တိုက်ခိုက်ခဲ့တာဖြစ်တယ်လို့ ပဲခူးတိုင်း PDF တာဝန်ရှိသူက ပြောပါတယ်။

” ရဲလှည့်ကင်းကို စောင့်ပြီး မိုင်း၅လုံး ခွဲပြီး တိုက်ခိုက်တာပါ၊ ဆိုင်ကယ် ၆စီးကို တိုက်ရိုက်ထိတယ်” လို့ ပြောပါတယ်။

ကင်းလှည့်နေတဲ့ ရဲ၃ဦး သေဆုံးပြီး ၇ဦးဒဏ်ရာရရှိခဲ့တယ်လို့ သိရပါတယ်။ အဲ့နေ့ညမှာပဲ ပေါင်းတည်မြို့နဲ့ အင်းမမြို့ကြားက ဝက်ပုတ်တံတားမှာရှိတဲ့ စစ်ကောင်စီဂိတ်ကို သာယာဝတီခရိုင် PDF ကပဲ ည ၇နာရီခွဲလောက်မှာ ဖောက်ခွဲမှုတခုလုပ်ခဲ့ပေမယ့် ထိခိုက်မှုတော့ မရှိခဲ့ဘူးလို့ သိရပါတယ်။

ပဲခူး၊ ဧပြီ ၆၊ ၂၀၂၂။

ပဲခူးတိုင်း ပြည်ခရိုင် ပေါင်းတည်မြို့နယ်က လဲပင်ကျေးရွာကို ရိက္ခာလာပို့တဲ့ စစ်ကောင်စီအုပ်စုကို ပြည်ခရိုင် PDF တပ်ရင်း ၃၆၀၁ ကတပ်ဖွဲ့ဝင်တွေက ကြားဖြတ်တိုက်ခိုက်ခဲ့လို့ စစ်အုပ်စုဘက်က ၂ဦး သေဆုံးခဲ့တယ်လို့ ပဲခူးတိုင်း PDF အဖွဲ့ဆီက သိရပါတယ်။

ပေါင်းတည်မြို့နယ် သိမ်ကုန်းကျေးရွာအုပ်စုက လဲပင်ကျေးရွာကို စစ်ကောင်စီအဖွဲ့က ဆိုင်ကယ် ၄စီးနဲ့ အဖွဲ့ဝင် ၈ဦးပါတဲ့ အဖွဲ့ကို တပ်ရင်း ၃၆၀၁ တပ်ခွဲ ၁က ဒီနေ့ နေ့လယ် ၂နာရီလောက်က ငရှည့်ကွင်းကျေးရွာအနီးမှာ ကြားဖြတ်တိုက်ခိုက်ခဲ့တာဖြစ်တယ်လို့ တိုင်း PDF တာဝန်ခံက ပြောပါတယ်။

” ပေါင်းတည်မြို့နယ် လဲပင်ရွာကို သိမ်ကုန်းက ရိက္ခာသွားပို့တဲ့ စကစ တပ်ဖွဲ့ကို အပြန်မှာ စောင့်ပြီးတိုက်ခိုက်တာပါ၊ လောလောဆယ် စကစ ၂ဦးသေတယ်လို့ ကနဦးသိရပါတယ်” လို့ ပြောပါတယ်။

လဲပင်ကျေးရွာကို စစ်ကောင်စီတပ်တွေ ပြီးခဲ့တဲ့ မတ်လ ၁၅ရက်က နေအိမ်တွေကို မီးရှို့ခဲ့ပြီး အဲ့ဒီနေ့ကစလို့ လဲပင်ရွာမှာ တပ်စွဲထားတာ ဒီနေ့အထိဖြစ်ပါတယ်။

ပဲခူးတိုင်း အတွင်းမှာ NUG ကာကွယ်ရေးဝန်ကြီးဌာနရဲ့ တောင်ပိုင်းတိုင်း စစ်ဒေသ ကွပ်ကဲရေးအဖွဲ့အောက်ကနေ PDF တပ်ရင်း တပ်ဖွဲ့တွေ စနစ်တကျ ပေါ်ပေါက်လာပြီဖြစ်တယ်လို့ သိရပြီး အခုရက်ပိုင်းအတွင်း ပဲခူးတိုင်းအတွင်းမှာ စစ်ကောင်စီကို တိုက်ခိုက်မှုတွေ ဆက်တိုက်ဆိုသလို တွေ့လာနေရပါတယ်။

မကွေး၊ ဧပြီ ၆၊ ၂၀၂၂။

မကွေးတိုင်း ငဖဲမြို့နယ်ထဲမှာ စစ်ကောင်စီနဲ့ PRA မကွေးတို့ ထိတွေတိုက်ပွဲဖြစ်ပွားပြီး မိုင်းကွင်းထဲဝင်သွားတဲ့ စစ်အုပ်စု ၂၀ နီးပါးသေဆုံးခဲ့တယ်လို့ People’s Revolution Alliance အဖွဲ့ဆီက သိရပါတယ်။

ဧပြီ ၃ရက်ကတည်းက စစ်ကြောင်းထိုးဖို့ပြင်ဆင်နေတဲ့ စစ်ကောင်စီတပ်တွေရဲ့ သတင်းကိုကြိုသိထားလို့ ပြင်ဆင်မှုတွေလုပ်ထားခဲ့ပြီး ခုခံတိုက်ခိုက်နိုင်ခဲ့တာဖြစ်တယ်လို့ PRA Magway စစ်ဦးစီးချုပ် ဟာကျူလီ က ပြောပါတယ်။

” ကျနော်တို့ မျှော်မှန်းထားသလိုပဲ ပြင်ဆင်ထားတဲ့ နေရာကို ရောက်တဲ့အချိန်မှာ ကနဦး မိုင်းဆွဲတိုက်ခိုက်ပြီးတော့ လက်နက်ငယ်တွေနဲ့ အပြန်အလှန်တိုက်ခိုက်ခဲ့ပါတယ်” လို့ ဟာကျူလီက ပြောပါတယ်။

ကြိုတင်ပြင်ဆင်မှုအပြင် မြေပြင်အနေအထားအရ အင်အား ၆၀၀ နီးပါးရှိတဲ့ စစ်ကြောင်းကို ခုခံချေမှုန်းထားနိုင်ခဲ့တယ်လို့ ပြောပါတယ်။

” မှောက်ပြီးတော့ လုံးဝကို ပြန်မထနိုင်တာ ကျနော်တို့ရေတွက်ကြည့်တာ အယောက် ၂၀ ရှိပါတယ် ၊ ဒါပေမယ့် သူတို့ဘက်က အင်အားများတော့ ကာပစ် ပစ်ပြီး အလောင်းတွေကို ခြေထောက်ကနေ ဆွဲတာတွေ လက်ကဆွဲတာတွေ ရရာဆွဲပြီး အလောင်းတွေ ပြန်ကောက်သွားပါတယ်၊ တိုက်ပွဲက တော်တော်လေး ပြင်းထန်ပါတယ်၊ မိုင်းကွင်းထဲကို တည့်တည့်ကျသွားတာဆိုတော့ သူတို့ လုံးဝကို မလှုပ်တော့ပါဘူး၊ ကျဖို့ရာခိုင်နှုန်းအရမ်းများပါတယ် ” လို့ PRA Magway စစ်ဦးစီးချုပ် ဟာကျူလီ က ပြောပါတယ်။

တိုက်ပွဲတွင်းမှာ PDF ဘက်က ရဲဘော် ၂ဦး လက်နက်ကြီး အစထိမှန်ပြီး ဒဏ်ရာအသေးစား ရရှိခဲ့ပြီး ဆေးကုသမှုခံယူနေပြီး စစ်ကောင်စီဘက်ကလည်း နောက်ထပ်စစ်အင်အားတွေ ထပ်ဖြည့်နေတယ်လို့ သိရပါတယ်။

” စစ်ခွေးတွေကတော့ အင်အားတွေထပ်ပြီးတိုးချဲ့ပြီးတော့ ကျနော်တို့ကို အပြတ်ချေမှုန်းဖို့ ပြင်ဆင်နေပါတယ်” လို့ ပြောပါတယ်။

တိုက်ပွဲဖြစ်ခဲ့တဲ့ နေရာက ငဖဲမြို့အနောက်ဘက် ၁၆မိုင်အကွာ ရေယာဥ်တောင်ကြောမှာ ၂ကြိမ်တိုက်ပွဲဖြစ်ခဲ့တာပါ၊ စစ်ကောင်စီရဲ့ လှုပ်ရှားမှုတွေကို အချိန်မီသတင်းပေးနိုင်ဖို့ ကိုလည်း ပြည်သူလူထုကို တိုက်တွန်းထားပါတယ်။

ပဲခူး၊ ဧပြီ ၆၊ ၂၀၂၂။

ပဲခူးတိုင်း၊ တောင်ငူခရိုင် ရေတာရှည်မြို့နယ်ထဲက ရိုးမပတ်လမ်းကို ဝင်လာတဲ့ စစ်ကောင်စီအဖွဲ့တွေကို တောင်ငူခရိုင် PDF က မိုင်းဆွဲတိုက်ခိုက်ပြီး ထိတွေ့တိုက်ပွဲဖြစ်ခဲ့တယ်လို့ ပဲခူးတိုင်း PDF တာဝန်ခံဆီက သိရပါတယ်။

ဧပြီလ ၆ရက် ဒီနေ့ မနက် ၆နာရီဝန်းကျင်မှာ တောင်ငူခရိုင် PDF တပ်ရင်း စတင်ဖြစ်ပွားခဲ့ပြီး တိုပ်ပွဲကြာချိန် ၁၀မိနစ်နီးပါးရှိခဲ့တယ်လို့ Bago Region PDF တာဝန်ခံက ပြောပါတယ်။

” သူတို့တက်လာတဲ့ လမ်းကြောင်းမှာ ပဒေသာရှေ့ထွက်မိုင်းဆွဲပြီး ဝိုင်းပစ်တာပါ၊ ပြန် ဆုတ်သွားပါတယ်၊ ကျနော်တို့ဖက်ကလည်း အင်အားမမျှတော့ လျှပ်တပြတ် တိုက်ခိုက်ပြီး ပြန်ဆုတ်တာပါ မျက်မြင် ၄ယောက်ကျသွားပါတယ်၊ မိုင်းဆွဲတဲ့အချိန်ပါသွားတာပါ” လို့ ပြောပါတယ်။

စစ်ကောင်စီဘက်က ခြေလျင်တက်လာတဲ့ အင်အား ၅၀ကျော်ပါတဲ့ စစ်ကြောင်းကို တပ်ခွဲ ၃ တပ်စုမှူး စနိုက်ပါဦးဆောင်တဲ့ YPDF တပ်ဖွဲ့တွေက ရေတာရှည်မြို့နယ် မရိုးခုံကျေးရွာ မြောက်ဘက် စိန်တောင်လမ်း မှာ တိုက်ခိုက်ခဲ့တာဖြစ်ပြီး ၄ဦးသေဆုံးသလို ထိခိုက်ဒဏ်ရာ ရသူတွေလည်းရှိတယ်လို့ သိရပါတယ်။

ပဲခူးတိုင်း တောင်ငူခရိုင်အတွင်းမှာ စစ်ကောင်စီနဲ့ ခရိုင် PDF တို့ အခုလ ၆ရက်အတွင်းမှာ တိုက်ပွဲ ၂ကြိမ်ဖြစ်ခဲ့ပြီး အသေးစားတိုက်ခိုက်မှုတွေလည်း ရှိခဲ့တယ်လို့ သိရပါတယ်။

ပဲခူး၊‌ ဧပြီ ၅၊ ၂၀၂၂။

ပဲခူးတိုင်း ပြည်ခရိုင် ပေါင်းတည်မြို့နယ်က လဲပင်ကျေးရွာကို ရိက္ခာလာပို့တဲ့ စစ်ကောင်စီအုပ်စုကို ပြည်ခရိုင် PDF တပ်ရင်း ၃၆၀၁ ကတပ်ဖွဲ့ဝင်တွေက ကြားဖြတ်တိုက်ခိုက်ခဲ့လို့ စစ်အုပ်စုဘက်က ၂ဦး သေဆုံးခဲ့တယ်လို့ ပဲခူးတိုင်း PDF အဖွဲ့ဆီက သိရပါတယ်။

ပေါင်းတည်မြို့နယ် သိမ်ကုန်းကျေးရွာအုပ်စုက လဲပင်ကျေးရွာကို စစ်ကောင်စီအဖွဲ့က ဆိုင်ကယ် ၄စီးနဲ့ အဖွဲ့ဝင် ၈ဦးပါတဲ့ အဖွဲ့ကို တပ်ရင်း ၃၆၀၁ တပ်ခွဲ ၁က ဒီနေ့ နေ့လယ် ၂နာရီလောက်က ငရှည့်ကွင်းကျေးရွာအနီးမှာ ကြားဖြတ်တိုက်ခိုက်ခဲ့တာဖြစ်တယ်လို့ တိုင်း PDF တာဝန်ခံက ပြောပါတယ်။

” ပေါင်းတည်မြို့နယ် လဲပင်ရွာကို သိမ်ကုန်းက ရိက္ခာသွားပို့တဲ့ စကစ တပ်ဖွဲ့ကို အပြန်မှာ စောင့်ပြီးတိုက်ခိုက်တာပါ လောလောဆယ် စကစ ၂ဦးသေတယ်လို ကနဦးသိရပါတယ်” လို့ ပြောပါတယ်။

လဲပင်ကျေးရွာကို စစ်ကောင်စီတပ်တွေ ပြီးခဲ့တဲ့ မတ်လ ၁၅ရက်က နေအိမ်တွေကို မီးရှို့ခဲ့ပြီး အဲ့ဒီနေ့ကစလို့ လဲပင်ရွာမှာ တပ်စွဲထားတာ ဒီနေ့အထိဖြစ်ပါတယ်။

ပဲခူးတိုင်း အတွင်းမှာ NUG ကာကွယ်ရေးဝန်ကြီးဌာနရဲ့ တောင်ပိုင်းတိုင်း စစ်ဒေသ ကွပ်ကဲရေးအဖွဲ့အောက်ကနေ PDF တပ်ရင်း တပ်ဖွဲ့တွေ စနစ်တကျ ပေါ်ပေါက်လာပြီဖြစ်တယ်လို့ သိရပြီး အခုရက်ပိုင်းအတွင်း ပဲခူးတိုင်းအတွင်းမှာ စစ်ကောင်စီကို တိုက်ခိုက်မှုတွေ ဆက်တိုက်ဆိုသလို တွေ့လာနေရပါတယ်။

တောင်ငူ၊‌ ဧပြီ ၁၊ ၂၀၂၂။

ပဲခူးတိုင်း၊ တောင်ငူမြို့နယ်မှာ စစ်ကြောင်းထိုးလာတဲ့ စစ်ကောင်စီအဖွဲ့နဲ့ တောင်ငူခရိုင် PDF တပ်ရင်း ၃၅၀၁ တို့ ၂ကြိမ်ထိတွေ့ တိုက်ပွဲဖြစ်ပြီး စစ်ကောင်စီဘက်က အနည်းဆုံး ၈ဦးသေဆုံးထားတယ်လို့ Bago Region PDF ဆီက သိရပါတယ်။

တောင်ငူမြို့နယ် ဆိတ်မြောင်ကျေးရွာ အထက်နားမှာ စစ်ကြောင်းထိုးလာတဲ့ စစ်အင်အား ၅၀ပါ အဖွဲ့ကို တောင်ငူခရိုင်တပ်ရင်း ၃၅၀၁ တပ်ခွဲ၁ က စောင့်ပြီးတိုက်ခိုက်ခဲ့လို့ အဲ့ဒီတကြိမ်မှာ စစ်ကောင်စီတပ်သား ၂ဦးသေဆုံးခဲ့တာ ဖြစ်တယ်လို့ ပဲခူးတိုင်း PDFအဖွဲ့ တာဝန်ရှိသူတဦးက ပြောပါတယ်။

” ပထမတိုက်ပွဲ စခ ၂ ကောင် သေပါတယ် အတည်ပြုပြီးပါပြီ၊ ဒုတိယပွဲကတော့ မျက်မြင်အနေနဲ့ ထိခိုက်မှုများပါတယ်၊ စာရင်းအတည်ပြုချက်စောင့်နေပါတယ်၊ ဒုတိယတိုက်ပွဲ မျက်မြင် ၆ယောက်ကျ ဒီထက်ပိုနိုင်ပါတယ်” လို့ တိုင်းတာဝန်ခံ တယောက်က ပြောပါတယ်။

ဒုတိယအကြိမ်တိုက်ပွဲက ဒီနေ့ ညနေ ၅နာရီဝန်းကျင်မှာ ထပ်ပြီး စစ်ကြောင်းထိုးလာတဲ့ စစ်အုပ်စုကို တောင်ငူခရိုင်တပ်ရင်း ၃၅၀၁ ကပဲ ပဒေသာမိုင်းဆွဲ တိုက်ခိုက်ခဲ့လို့ ၆ဦး သေဆုံးတာ အတည်ပြုထားနိုင်ပြီး စာရင်းတိုးနိုင်ခြေရှိတယ်လို့ ပြောပါတယ်။

” ဒုတိယအကြိမ်မှာ ပဒေသာမိုင်း မိပြီး လက်နက်ငယ်နဲ့ ဝိုင်းချေမှုန်းလို့ စခ ထိခိုက် သေဆုံးမှု များပါတယ်၊ တိုက်ပွဲအပြီး စကစဘက်က လေယာဉ်၁စီးလာပါတယ်၊ ပထမပွဲက မြန်ပါတယ် ပစ်ပြေး မိနစ် အနည်းငယ်၊ ဒုတိယပွဲက မိုင်းဆွဲ ​ချေမှုန်း နာရီဝက်ကျော်ကြာပါတယ်” လို့ Bago Region PDF တာဝန်ခံက ပြောပါတယ်။

ဧပြီလ ၁ရက်ဒီနေ့ တရက်တည်း စစ်ကောင်စီနဲ့ တောင်ငူခရိုင်တပ်ရင်း ၃၅၀၁ တပ်ခွဲ ၁တို့ တောင်ငူမြို့နယ် အတွင်းက ဆိတ်မြောင်ကျေးရွာ ဒေသတဝှိုက် ထိတွေ့တိုက်ပွဲ ၂ကြိမ်ဖြစ်ပွားပြီး နောက်ဆွဲသေဆုံးမှုတွေကို အတည်ပြုနေဆဲဖြစ်တယ်လို့ သိရပါတယ်။