မြေလတ်အသံ၊ ဧပြီ ၂၊ ၂၀၂၅။
နေပြည်တော်၊ ဥတ္တရသီရိမြို့နယ်က အေးချမ်းသာ ဟိုတယ် ၆ ထပ်အဆောက်အဦရဲ့အောက်ဆုံး ၂ ထပ်ပြိုကျပြီး ပိတ်မိနေသူ ၂ ဦးအနက် အမျိုးသား ၁ ဦးကို ငလျင်လှုပ်ပြီး ၅ ရက်မြောက်နေ့ ဧပြီ ၂ ရက်နေ့ မနက် ၁၂ နာရီ ၃၀ ခန့်မှာ အသက်ရှင်လျက်ကယ်ထုတ်နိုင်ခဲ့တယ်လို့ မြန်မာနိုင်ငံမီးသတ်ဦးစီးဌာနက ထုတ်ပြန်ထားပါတယ်။
■ တိုင်းစစ်ဌာနချုပ်အပါအဝင် စစ်ကောင်စီတပ်အဆောက်အဦတချို့လည်း ပြိုကျဟုဆို
မြေလတ်အသံ၊ မတ် ၂၈၊ ၂၀၂၅။
အင်အားပြင်းငလျင်လှုပ်ခတ်မှုကြောင့် စစ်ကောင်စီရုံးစိုက်ရာနေပြည်တော်ကောင်စီနယ် မြေမှာ ကုတင် ၁၀၀၀ ဆေးရုံဝန်ကြီးဌာနအဆောက်အဦတချို့အပါအဝင် နေရာအများ အပြား အပျက်အစီးများခဲ့ပြီး လူသေဆုံးမှုတွေလည်းရှိခဲ့တယ်လို့ ဒေသခံတွေထံက သိရပါ တယ်။
ဇမ္မူသီရိမြို့နယ်ရှိ ကုတင် ၁၀၀၀ ဆေးရုံ၊ စွမ်းအင်နဲ့နိုင်ငံခြားရေးဌာနတွေအပါ ဝန်ကြီးဌာနရုံး တချို့၊ ဝန်ထမ်းအိမ်ယာ၊ Ocean ကုန်တိုက်စတဲ့ အဆောက်အဦတွေအပြင် နေပြည်တော် အတွင်း လမ်းတွေမှာလည်း ကွဲအက်ပျက်စီးတာတွေရှိခဲ့တယ်လို့ ဆိုပါတယ်။
“ (ဆေးရုံ) မျက်နှာကျက်တွေပြိုကျပြီး လူထိခိုက်တာတွေရှိတယ်။ နေပြည်တော်မှာ ထိခိုက် သေဆုံးများတယ်” လို့ နေပြည်တော်အတွင်း ကူညီကယ်ဆယ်ရေးလုပ်ဆောင်ပေးနေသူ တဦးက မြေလတ်အသံကို ပြောပါတယ်။
ငလျင်ကြောင့် နေပြည်တော်အတွင်းလမ်းပိုင်းတွေမှာ ထိခိုက်ပျက်စီးမှုတွေများတာကြောင့် ကား လမ်းတချို့ ပိတ်နေကာ သွားလာရခက်ခဲနေတယ်လို့ ဆိုပါတယ်။
နေပြည်တော်မြို့ခံတဦးက “ နေပြည်တော် ကားလမ်းတွေပိတ်နေတယ်။ အစိုးရရုံးခန်းတွေ ထိတယ်။ (ငလျင်လှုပ်တဲ့အချိန်) ကားလမ်းပေါ်မှာ ကားတွေလူးပြီးမောင်းမရဖြစ်တယ်။ ဆိုင်ကယ်တွေမောင်းနေရင်း လဲ ကျကြတယ်” လို့ ပြောပါတယ်။
ဒါ့အပြင် စစ်ရုံးချုပ်၊ နေပြည်တော်တိုင်းစစ်ဌာနချုပ်နဲ့ ခလရ ၈၅ တပ်ရင်းတွေမှာ အဆောက် အဦပြိုကျမှုတွေရှိတယ်လို့ CDM ဗိုလ်ကြီး ဇင်ယော် က တပ်တွင်းသတင်းရင်းမြစ်တွေရဲ့ ပြောဆိုချက်ကို ကိုးကားပြီး ၎င်းရဲ့လူမှုကွန်ယက်မှာ ရေးသားထားပါတယ်။
စစ်ကောင်စီကို ထောက်ခံရေးသားနေတဲ့ တယ်လီဂရမ်ချန်နယ်တချို့မှာလည်း နေပြည်တော် အတွင်း ဝန်ထမ်းအိမ်ယာပျက်စီးမှုတွေမှာ ပိတ်မိနေသူတွေရှိ အကူအညီတောင်းခံနေကြတယ်လို့ ဖော်ပြကြပါတယ်။
ငလျင်လှုပ်ခတ်မှုကြောင့် လူထိခိုက်သေဆုံးမှုနဲ့ ပျက်စီးမှုအခြေအနေအသေးစိတ်တွေကို တော့ ဆက်လက်စုံစမ်းနေဆဲဖြစ်ပါတယ်။
ပုံစာ – နေပြည်တော် MOGE ရုံး
မြေလတ်အသံ၊ ဇန်နဝါရီ ၂၃၊ ၂၀၂၅။
ရုပ်သံထုတ်လွှင့်မှုလုပ်ငန်းတွေ တိုးတက်အောင်ပြုလုပ်ပြီး စည်းရုံးကြဖို့ စစ်အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်က ၎င်းရဲ့လက်အောက် မြဝတီရုပ်သံထုတ်လွှင့်ရေးအဖွဲ့တွေကို မှာကြားလိုက်ပါတယ်။
ဇန်နဝါရီ ၂၂ ရက် မနေ့နေ့လယ်ပိုင်းက နေပြည်တော်၊ တောင်ညိုရှိ တပ်မတော်ရုပ်မြင်သံကြားထုတ်လွှင့်ရေးတပ်ကို သွားရောက်စဥ် စစ်ခေါင်းဆောင်က အခုလိုထည့်သွင်းမှာကြားခဲ့တာကို မြဝတီသတင်းကနေတဆင့် ထုတ်ပြန်လာတာပါ။
ရုပ်သံထုတ်လွှင့်မှုလုပ်ငန်းတွေဆောင်ရွက်ရာမှာ အခြားပြည်တွင်း၊ ပြည်ပသတင်းဌာနတွေရဲ့ ထုတ်လွှင့်နေမှုတွေကို ကြည့်ရှုလေ့လာပြီး ရုပ်သံထုတ်လွှင့်မှု အားနည်းချက်၊ အားသာချက်များကို သင်ခန်းစာဖော်ထုတ်ကာ ရုပ်သံထုတ်လွှင့်မှုများတိုးတက်စေရေး ဆောင်ရွက်ရမယ်လို့ ၎င်းက ဆိုပါတယ်။
“ ရုပ်မြင်သံကြားထုတ်လွှင့်ရေးလုပ်ငန်းများဟာ လူထုဆက်ဆံရေးလုပ်ငန်းတခုပင်ဖြစ်ကြောင်း၊ ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေးရုံးရဲ့ရည်ရွယ်ချက်မှာ ပြန်ကြားပေးရန်၊ ဖျော်ဖြေပေးရန်၊ ပညာပေးရန်နဲ့ စည်းရုံးရန်ဖြစ်ကြောင်း၊ နည်းမှန်လမ်းမှန် ပြန်ကြားပေးခြင်း၊ ဖျော်ဖြေပေးခြင်းနဲ့ ပညာပေးခြင်းတို့ကိုဆောင်ရွက်ပေးခြင်းတို့ဟာ စည်းရုံရေးကို ဆောင်ရွက်ခြင်းပင်ဖြစ်ကြောင်း” စစ်ခေါင်းဆောင်က ပြောပါတယ်။
၂၀၂၁ စစ်အာဏာသိမ်းပြီး လူထုထောက်ခံမှုသိသိသာသာကျဆင်းနေတဲ့ စစ်ကောင်စီတပ်ဟာ စစ်ကောင်စီထောက်ခံတဲ့ သရုပ်ဆောင်တွေကို ခေါ်ယူကာ ဝါဒဖြန့်ချီရေးဇာတ်ကားတွေ ရိုက်ကူးထုတ်လွှင့်ဖြန့်ချီတာတွေလုပ်ဆောင်နေသလို ၎င်းတို့လက်အောက် မြဝတီရုပ်သံထုတ်လွှင့်မှုတွေကနေ စည်းရုံရေးလုပ်ဆောင်ဖို့ တိုက်တွန်းလာတာလည်း ဖြစ်ပါတယ်။
ဒါ့အပြင် စစ်ခေါင်းဆောင်က တပ်တွင်းစည်းရုံးရေးအပြင် တပ်ပြင်စည်းရုံးရေးကိုပါ အားထည့်လုပ်ဆောင်ကြဖို့ကိုလည်း ၎င်းရဲ့တွေ့ဆုံပွဲနဲ့သင်တန်းဆင်းမိန့်ခွန်းတွေမှာ မကြာခဏမှာကြားလေ့ရှိပါတယ်။
လက်ရှိနိုင်ငံအနှံ့စစ်ပူမိနေတဲ့ စစ်ကောင်စီတပ်ဟာ တိုင်းစစ်ဌာနချုပ် ၂ ခုလက်လွှတ်ထားရပြီး မြန်မာနိုင်ငံအလယ်ပိုင်းအထိ တိုက်ပွဲတွေဖြစ်ပွားလာကာ တိုက်ပွဲတွေအတွင်းမှာ စစ်ကောင်စီတပ်သားအများအပြား သေဆုံးတာ၊ စစ်သုံ့ပန်းအဖြစ်ဖမ်းဆီးခံရတာနဲ့ အလံဖြူ ထောင်လက်နက်ချပူးပေါင်းတာတွေ အများအပြားဖြစ်ပွားနေတာပါ။
နေပြည်တော်နဲ့အနီးအထိ ဒေသကာကွယ်ရေးတပ်ဖွဲ့တွေဘက်က စစ်ရေးလှုပ်ရှားမှုတွေ ရှိလာတာကြောင့် တောင်ညိုရုပ်သံထုတ်လွှင့်ရေးတပ်အပါအဝင် နေပြည်တော်အတွင်း စစ်ကောင်စီ တပ်အများအပြားရဲ့ထုတ်နှုတ်အင်အားတွေနဲ့ နေပြည်တော်အနီးတဝိုက်ကို အလှည့်ကျလုံခြုံရေးနဲ့ စစ်ကြောင်းထိုးသွားရောက်နေရတယ်လို့ နေပြည်တော်ရှိစစ်တပ်သတင်းရင်းမြစ်တဦးက ပြောပါတယ်။
ဓါတ်ပုံ – စစ်ကောင်စီထောက်ခံတယ်လီဂရမ်။
မြေလတ်အသံ၊ ဇန်နဝါရီ ၂၃၊ ၂၀၂၅။
ရုပ်သံထုတ်လွှင့်မှုလုပ်ငန်းတွေ တိုးတက်အောင်ပြုလုပ်ပြီး စည်းရုံးကြဖို့ စစ်အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်က ၎င်းရဲ့လက်အောက် မြဝတီရုပ်သံထုတ်လွှင့်ရေးအဖွဲ့တွေကို မှာကြားလိုက်ပါတယ်။
ဇန်နဝါရီ ၂၂ ရက် မနေ့နေ့လယ်ပိုင်းက နေပြည်တော်၊ တောင်ညိုရှိ တပ်မတော်ရုပ်မြင်သံကြားထုတ်လွှင့်ရေးတပ်ကို သွားရောက်စဉ် စစ်ခေါင်းဆောင်က အခုလိုထည့်သွင်းမှာကြားခဲ့တာကို မြဝတီသတင်းကနေတဆင့် ထုတ်ပြန်လာတာပါ။
ရုပ်သံထုတ်လွှင့်မှုလုပ်ငန်းတွေဆောင်ရွက်ရာမှာ အခြားပြည်တွင်း၊ ပြည်ပသတင်းဌာနတွေရဲ့ ထုတ်လွှင့်နေမှုတွေကို ကြည့်ရှုလေ့လာပြီး ရုပ်သံထုတ်လွှင့်မှု အားနည်းချက်၊ အားသာချက်များကို သင်ခန်းစာဖော်ထုတ်ကာ ရုပ်သံထုတ်လွှင့်မှုများတိုးတက်စေရေး ဆောင်ရွက်ရမယ်လို့ ၎င်းက ဆိုပါတယ်။
“ ရုပ်မြင်သံကြားထုတ်လွှင့်ရေးလုပ်ငန်းများဟာ လူထုဆက်ဆံရေးလုပ်ငန်းတခုပင်ဖြစ်ကြောင်း၊ ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေးရုံးရဲ့ရည်ရွယ်ချက်မှာ ပြန်ကြားပေးရန်၊ ဖျော်ဖြေပေးရန်၊ ပညာပေးရန်နဲ့ စည်းရုံးရန်ဖြစ်ကြောင်း၊ နည်းမှန်လမ်းမှန် ပြန်ကြားပေးခြင်း၊ ဖျော်ဖြေပေးခြင်းနဲ့ ပညာပေးခြင်းတို့ကိုဆောင်ရွက်ပေးခြင်းတို့ဟာ စည်းရုံရေးကို ဆောင်ရွက်ခြင်းပင်ဖြစ်ကြောင်း” စစ်ခေါင်းဆောင်က ပြောပါတယ်။
၂၀၂၁ စစ်အာဏာသိမ်းပြီး လူထုထောက်ခံမှုသိသိသာသာကျဆင်းနေတဲ့ စစ်ကောင်စီတပ်ဟာ စစ်ကောင်စီထောက်ခံတဲ့ သရုပ်ဆောင်တွေကို ခေါ်ယူကာ ဝါဒဖြန့်ချီရေးဇာတ်ကားတွေ ရိုက်ကူးထုတ်လွှင့်ဖြန့်ချီတာတွေလုပ်ဆောင်နေသလို ၎င်းတို့လက်အောက် မြဝတီရုပ်သံထုတ်လွှင့်မှုတွေကနေ စည်းရုံရေးလုပ်ဆောင်ဖို့ တိုက်တွန်းလာတာလည်း ဖြစ်ပါတယ်။
ဒါ့အပြင် စစ်ခေါင်းဆောင်က တပ်တွင်းစည်းရုံးရေးအပြင် တပ်ပြင်စည်းရုံးရေးကိုပါ အားထည့်လုပ်ဆောင်ကြဖို့ကိုလည်း ၎င်းရဲ့တွေ့ဆုံပွဲနဲ့ သင်တန်းဆင်းမိန့်ခွန်းတွေမှာ မကြာခဏမှာကြားလေ့ရှိပါတယ်။
လက်ရှိနိုင်ငံအနှံ့စစ်ပူမိနေတဲ့ စစ်ကောင်စီတပ်ဟာ တိုင်းစစ်ဌာနချုပ် ၂ ခုလက်လွှတ်ထားရပြီး မြန်မာနိုင်ငံအလယ်ပိုင်းအထိ တိုက်ပွဲတွေဖြစ်ပွားလာကာ တိုက်ပွဲတွေအတွင်းမှာ စစ်ကောင်စီတပ်သားအများအပြား သေဆုံးတာ၊ စစ်သုံ့ပန်းအဖြစ်ဖမ်းဆီးခံရတာနဲ့ အလံဖြူထောင်လက်နက်ချပူးပေါင်းတာတွေ အများအပြားဖြစ်ပွားနေတာပါ။
နေပြည်တော်နဲ့အနီးအထိ ဒေသကာကွယ်ရေးတပ်ဖွဲ့တွေဘက်က စစ်ရေးလှုပ်ရှားမှုတွေ ရှိလာတာကြောင့် တောင်ညိုရုပ်သံထုတ်လွှင့်ရေးတပ်အပါအဝင် နေပြည်တော်အတွင်း စစ်ကောင်စီတပ်အများအပြားရဲ့ထုတ်နုတ်အင်အားတွေနဲ့ နေပြည်တော်အနီးတဝိုက်ကို အလှည့်ကျလုံခြုံရေးနဲ့ စစ်ကြောင်းထိုးသွားရောက်နေရတယ်လို့ နေပြည်တော်ရှိစစ်တပ်သတင်းရင်းမြစ်တဦးက ပြောပါတယ်။
တည်းဖြတ် – HP
စစ်ကိုင်း၊ ဇွန် ၁၅၊ ၂၀၂၃။
ဖမ်းဆီးစစ်ဆေးခံနေရတယ်လို့ သတင်းတွေထွက်ပေါ်ခဲ့တဲ့ စစ်ကိုင်းတိုင်း၊ မုံရွာမြို့နယ်အခြေစိုက်၊အနောက်မြောက်တိုင်းစစ်ဌာနချုပ်(နမခ) တိုင်းမှူး ဗိုလ်ချုပ် သန်းထိုက် ကို ဇွန်လ ၁၄ ရက်မှာ စစ် ကောင်စီဘက်က လူမြင်ကွင်းကို ထုတ်ပြလာခဲ့ပါတယ်။
ဗိုလ်ချုပ် သန်းထိုက်ဟာ မုံရွာမြို့မှာကျင်းပတဲ့ လက်နက်ခဲယမ်းနဲ့အတူ စစ်ကောင်စီထံအလင်းဝင်လာတဲ့ PDF တွေကို လက်ခံတာနဲ့ ထောက်ပံ့ပေးတဲ့အခမ်းအနားကို ဇွန်လ ၁၄ ရက် မနေ့က တက်ရောက်ခဲ့တာအပြင် မနေ့တရက်ထဲမှာပဲ နေပြည်တော်ကလာတဲ့ ကစထ ၁၊ ကစထမှူး ဒု-ဗိုလ်ချုပ်ကြီး တေဇကျော်နဲ့အတူ စစ်ဆေးရုံကလူနာတွေကို သွားရောက်ကြည့်ရှုတယ်လို့ စစ်ကောင်စီထိန်းချုပ်မီဒီယာ မြဝတီမှာ မနေ့ညပိုင်းမှာ ထုတ်ပြန်လာတာပါ။
ဗိုလ်ချုပ် သန်းထိုက် ဟာ စစ်ခေါင်းဆောင်တွေက ခေါ်ဆောင်တာကြောင့် ဇွန်လ ၁၂ ရက်က ရဟတ်ယာဉ်နဲ့ နေပြည်တော်ကို အရေးပေါ်သွားရောက်ခဲ့ရတယ်လို့ နမခနဲ့နီးစပ်တဲ့ သတင်းရင်းမြစ်တွေက မြေ လတ်အသံကိုပြောဆိုပါတယ်။
အဲ့ဒီနောက် တဆက်တည်းမှာပဲ ဗိုလ်ချုပ် သန်းထိုက် ကို နေပြည်တော်မှာ စစ်ခေါင်းဆောင်တွေက ဖမ်းဆီးစစ်ဆေးနေတယ်လို့ သတင်းတွေထွက်ပေါ်ခဲ့တာပါ။
“သူ့ကိုနေပြည်တော်က အရေးပေါ်လာခေါ်သွားတယ်ဆိုတာ ကျနော်တို့လည်းသတင်းရတယ်။ စစ်ဆေးနေတယ်လို့လည်း သတင်းတွေထွက်တယ်ပေါ့။ ခုစကစ သတင်းမှာ နေပြည်တော်က ကစထမှူးပါ မုံရွာကို ပါလာတာတွေ့ရတယ်။ တိုင်းမှူးဖမ်းခံရတဲ့သတင်းတွေကြောင့် အောက်ခြေကောင်တွေစိတ်ဓာတ်ကျမှာစိုးလို့ ကိုယ်ရှိန်သတ်တဲ့အနေနဲ့ ပြန်ထုတ်ပြလာတာလို့မြင်တယ်” လို့ CDM တပ်မတော်သား အရာရှိတဦးက ပြောပါတယ်။
ဒါ့အပြင် အဲ့ဒီတိုင်းမှူးအနေနဲ့လည်း သိပ်မကြာခင်ကာလမှာ နယ်ဘက် သို့မဟုတ် အရန်အင်အားကို ပို့ဆောင်ခံရဖို့ အနီးဆုံး အခြေအနေဖြစ်နေပြီလို့ သူက ဆက်ပြောပါတယ်။
စစ်အာဏာသိမ်းပြီးတဲ့နောက် တော်လှန်ရေးအင်အားစုတွေ အားကောင်းတဲ့နယ်မြေတွေကို စစ်ဆင်ရေး အဓိကကိုင်တွယ်နေရတဲ့ ကစထမှူး၊ စစ်တိုင်းမှူး၊ တပ်မမှူးတွေ မကြာခဏဆိုသလို အနားပေးခံရတာ၊ အရန်အင်အားကိုပို့ဆောင်ခံရတာ၊ နေရာရွှေ့ပြောင်းခံနေရတာနဲ့ စစ်ဆေးခံရမှုတွေရှိနေတာပါ။
၂၀၂၂ နဲ့ ၂၀၂၃ ခုနှစ်အတွင်းမှာပဲ ရဲချုပ်နဲ့ ကစထ ၆ မှူးဟောင်း ဒု-ဗိုလ်ချုပ်ကြီး သန်းလှိုင်၊ အမှတ် ၄ စစ်ဆင်ရေးအထူးအဖွဲ့မှူး (ကစထ ၄ မှူး)ဟောင်း ဒု-ဗိုလ်ချုပ်ကြီး ခင်လှိုင်တို့ အရန်အင်အားကို ပို့ဆောင်ခံခဲ့ရသလို၊ နမခတိုင်းမှူးဟောင်း ဗိုလ်မှူးချုပ် ဖြိုးသန့် ၊ အရှေ့တောင်တိုင်းစစ်ဌာနချုပ်(ရတခ) တိုင်းမှူးဟောင်း ဗိုလ်ချုပ် မြတ်သက်ဦးတို့ နယ်ဘက် ဝန်ကြီးဌာနကိုပြောင်းရွှေ့ခံခဲ့ရပြီး၊ တပ်မ ၆၆ တပ်မမှူး ဟောင်း ဗိုလ်မှူးကြီး ကျော်လင်းအောင် အရန်အင်အားကို ပို့ဆောင်ခံခဲ့ရကာ တပ်မ ၄၄ တပ်မမှူးဟောင်း ဗိုလ်မှူးကြီး တင်မိုးနိုင် လည်း နေပြည်တော်မှာ စစ်ဆေးခံခဲ့ရပြီးတဲ့နောက် ဦးပိုင်(MEC) ကို ပြောင်းရွှေ့ခံခဲ့ရတာပါ။
စာတည်း – ရင်ငြိမ်း
နေပြည်တော်၊ ဇွန် ၁၂၊ ၂၀၂၃။
စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ လယ်ဝေးမြို့နယ်ရဲစခန်းအရှေ့မှာ ဇွန်လ ၁၂ ရက် ဒီနေ့ ညနေ ၅ နာရီခန့်မှာ ဗုံးပေါက်ကွဲမှုဖြစ်ပွားခဲ့ပြီး စစ်ကောင်စီလက်အောက်ရဲတပ်ဖွဲ့ဝင်တွေ ထိခိုက်ဒဏ်ရာရရှိခဲ့တယ်လို့ သိရပါတယ်။
လယ်ဝေးမြို့နယ်၊ အမှတ် ၄ ရပ်ကွက်ရှိ မြို့မရဲစခန်းရှေ့၊ ရဲတပ်ဖွဲ့လုံခြုံရေးဂိတ်ကို ဆိုင်ကယ်စီး လူငယ် အမျိုးသား ၂ ဦးက ဗုံးပစ်တိုက်ခိုက်ခဲ့တာဖြစ်ပြီး ပေါက်ကွဲမှုကြောင့် ရဲတပ်ဖွဲ့ဝင် ၃ ဦးထိမှန်ကာ ၂ ဦးစိုးရိမ်ရတယ်လို့ လယ်ဝေးမြို့ခံတဦးက မြေလတ်အသံကိုပြောပါတယ်။
“အဲ့ဒီဂိတ်က ရဲစခန်းရှေ့မှာလုံခြုံရေးဂိတ်ပုံစံမျိုးလောက်ပဲချထားတာ၊ စစ်တာဆေးတာတွေတော့ သိပ်မရှိဘူး။ ဆိုင်ကယ်စီးကောင်လေး ၂ ယောက်ဗုံးပစ်ပြီးပြေးသွားတာ” လို့ ပြောပါတယ်။
စစ်တပ်ထောက်ခံတဲ့တယ်လီဂရမ်ချန်နယ်တွေမှာလည်း ဒီကနေ့ညနေပိုင်းက လယ်ဝေးမြို့နယ်ရဲစခန်း ဗုံးပေါက်ကွဲပြီး ရဲတပ်ဖွဲ့ဝင် ၂ ဦးထိခိုက်ခဲ့တယ်လို့ ဖော်ပြထားပါတယ်။
ဒီတိုက်ခိုက်မှုကို ဒေသတွင်းတော်လှန်ရေးအင်အားစုတွေဘက်က သတင်းထုတ်ပြန်တာမတွေ့ရသေးပါဘူး။
ပြီးခဲ့တဲ့ ဧပြီလ ၁၉ ရက်နေ့ကလည်း လယ်ဝေးမြို့နယ်ရှိ အေလာလေဆိပ် ရှော့တိုက်ဒုံးတွေနဲ့ပစ်ခတ် တိုက်ခိုက်ခံခဲ့ရသေးတယ်လို့ သိရပါတယ်။
စာတည်း – ရင်ငြိမ်း
မြေလတ်အသံ၊ မေ ၇၊ ၂၀၂၃။
စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ ဇေယျာသီရိမြို့နယ်၊ ကျည်တောင်အုပ်စုရှိ လှေခွင်းတောင် အပန်းဖြေစခန်းအနီး ပေါင်းလောင်းမြစ်အတွင်းမှာ မေလ ၆ ရက်မနေ့ညနေပိုင်းက လူငယ် ၂ ဦး ရေနစ်သေဆုံးသွားတယ်လို့ သိရပါတယ်။
လှေခွင်းတောင် ကမ်းခြေအပန်းဖြေစခန်း၊ ပေါင်းလောင်းစားသောက်ဆိုင်အနီး သာယာဝှမ်း ကျေးရွာဘက်ခြမ်း၊ ပေါင်းလောင်းမြစ်အတွင်းမှာ လူငယ်အမျိုးသား ၁ ဦးနဲ့ အမျိုးသမီး ၁ ဦးဟာ သူငယ်ချင်းတွေနဲ့အတူ ရေကူးနေချိန် ရေနစ်သေဆုံးခဲ့တာလို့ ဒေသလူမှုကူညီရေးအသင်းဝင်တဦးက မြေလတ်အသံကို ပြောပါတယ်။
“သူတို့ ၂ ယောက်က အခြားသူငယ်ချင်းတွေနဲ့အတူ ရေဆော့နေတာဘဲ။ အခြားအပန်းဖြေလာ သူတွေလည်း ရေကစားနေကြသူတွေ အများသားဘဲ။ အဲဒီမှာမှ သူတို့က ရေနက်တဲ့နေရာရောက်ပြီး နစ်သွားတာ။ တနာရီလောက်အကြာရှာဖွေပြီးမှအလောင်းပြန်ရတာ” လို့ ပြောပါတယ်။
ရေနစ်သေဆုံးသွားသူတွေဟာ ၁၆ နှစ်အရွယ် အမျိုးသားနဲ့ ၁၈ နှစ်အရွယ်အမျိုးသမီးတို့ဖြစ်ပြီး ပျဉ်းမနားနဲ့ ပုပ္ပသီရိမြို့တွေမှာ နေထိုင်သူတွေဖြစ်တယ်လို့ သိရပါတယ်။
လူငယ် ၂ ဦးရေနစ်တာကို ဒေသခံတွေနဲ့ကယ်ဆယ်ရေးအဖွဲ့တွေက ဝိုင်းဝန်းရှာဖွေ ကယ်ဆယ်ခဲ့ကြ ပေမယ့် သေဆုံးနေတဲ့အလောင်းကိုသာ ပြန်ရခဲ့ကာ ရုပ်အလောင်းတွေကို ဒေသခံနာရေးကူညီမှုအသင်း ကားနဲ့ နေပြည်တော်ကုတင် – ၁၀၀၀ဆေးရုံကို ပို့ပေးခဲ့ရတယ်လို့ ဆိုပါတယ်။
လှေခွင်းတောင်အပန်းဖြေစခန်းဟာ နေပြည်တော်အတွင်း မြို့နယ်တွေအပါအဝင် နေပြည်တော်နဲ့ ထိစပ်နေတဲ့ ပဲခူးတိုင်းအတွင်း မြို့နယ်တွေက အများဆုံး လာရောက်အပန်းဖြေ ရေလာကူးကြပြီး အခြားဒေသတွေက လာရောက်သူတွေလည်းရှိတယ်လို့ ဒေသခံတွေဆီက သိရပါတယ်။
ပြီးခဲ့တဲ့ မတ်လအတွင်းကလည်း ဇမ္ဗူသီရိမြို့နယ်မှာ နေထိုင်သူ အသက် ၂၈ နှစ်အရွယ် အမျိုးသား ၁ ဦး ပေါင်းလောင်းမြစ်အတွင်း ရေနစ်သေဆုံးခဲ့သေးတယ်လို့ သိရပါတယ်။
စာတည်း – ရင်ငြိမ်း
မြေလတ်အသံ၊ ဧပြီ ၁၅၊ ၂၀၂၃။
စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ ဇေယျာသီရိမြို့နယ်၊ စစ်ကောင်စီလက်အောက် စစ်ဘက်ရေးရာလုံခြုံရေးအရာရှိချုပ်ရုံး(စရခ)ကနေ ထွက်ပြေးသွားတဲ့ အမျိုးသမီး တပ်ကြပ်ကြီး/စာရေး ၂ ဦး လွတ်မြောက်နေဆဲဖြစ်တယ်လို့ သိရပါတယ်။
ထွက်ပြေးသွားသူတွေဟာ နေပြည်တော် စရဖ စစ်ရုံးချုပ်က အရေးကြီးအချက်အလက်တွေထိန်းသိမ်းထားတဲ့ဌာနမှာ တာဝန်ထမ်းဆောင်ခဲ့တဲ့ တပ်ကြပ်ကြီး/စာရေး ဝင်းပပအောင်နဲ့ သန္တာစိုးတို့ဖြစ်ပြီး ဖေဖော်ဝါရီလဆန်းပိုင်းက စစ်ရုံးချုပ်ကနေထွက်ပြေးသွားတာဖြစ်ကာ လက်ရှိမှာသူတို့ ၂ ဦးကို တပ်ပြေးကြေငြာထားတယ်လို့ ဆိုပါတယ်။
“ဖေဖော်ဝါရီလဆန်းပိုင်းကခွင့်မဲ့စဖြစ်တာ၊ ခွင့်မဲ့ ၂၁ ရက်ဆို တပ်ပြေးကြေညာတယ်။ တပ်ရင်းတွေမှာ ဆိုရင်တာ့ကြိတ်ရှာကြတာ ခွင့်မဲ့တော်တော်နဲ့မကြေညာဘူး။ စစ်ရုံးထဲမို့ တန်းကြေညာတာ။ သူတို့ကို အခုထိပြန်မိတာမျိုးတော့မကြားသေးဘူး” လို့ စစ်ရုံးချုပ်နဲ့နီးစပ်တဲ့ သတင်းရင်းမြစ်တဦးက မြေလတ်အသံကို ပြောပါတယ်။
အဲ့ဒီတပ်ကြပ်ကြီး/စာရေး အမျိုးသမီး ၂ ဦးဟာ စရဖ စစ်ရုံးချုပ်ရဲ့အရေးကြီးအချက်အလက်တွေထိန်းသိမ်းထားတဲ့ဌာနတွေမှာ တာဝန်ထမ်းဆောင်ခဲ့တာကြောင့် ထွက်ပြေးသွားချိန်မှာ အရေးကြီးဒေတာတွေ ပါသွားနိုင်တယ်ဆိုတဲ့ ယူဆချက်တွေနဲ့ စစ်ဘက်အကြီးတန်းအရာရှိတွေက သူတို့ ၂ ဦးကို တွေ့တဲ့နေရာပစ်သတ်ဖို့အထိ ညွှန်ကြားထားတယ်လို့ ဆိုပါတယ်။
ထွက်ပြေးနေတဲ့အမျိုးသမီးတပ်ကြပ်ကြီး/စာရေး ၂ ဦးဟာ မှော်ဘီမြို့အခြေစိုက် အမှတ် ၄ အရာခံနဲ့ အကြပ်ကြီးသင်ကျောင်း(ရကသ ၄)မှာဖွင့်လှစ်တဲ့ ကွန်ပျူတာဒီပလိုမာတပ်ကြပ်ကြီး/စာရေးသင်တန်း အမှတ်စဉ် ၃ ဆင်း တပ်ကြပ်ကြီးတွေဖြစ်ပြီး စစ်မှုထမ်းသက် ၇ နှစ်ဝန်းကျင်ရှိပြီလို့ သိရပါတယ်။
စစ်ကောင်စီတပ်ရဲ့ စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး (စရခ)ဟာ စစ်ကောင်စီလက်အောက် တိုင်းစစ်ဌာနချုပ်တွေရဲ့ စစ်ဘက်ရေးရာလုံခြုံရေးဌာန(စရန)၊ စရဖသင်တန်းကျောင်း၊ စစ်ကြောရေးတွေအပါအဝင် စရဖတပ်အားလုံးကိုကွပ်ကဲနေတဲ့ စစ်ရုံးချုပ်ဖြစ်ပြီး တော်လှန်ရေးအင်အားစုတွေကို အသွင်အမျိုးမျိုးနဲ့ဖမ်းဆီးနေတဲ့ အဓိကတပ်ဖွဲ့တခုလည်းဖြစ်တယ်လို့ သိရပါတယ်။
နေပြည်တော်၊ ဖေဖော်ဝါရီ ၂၃၊ ၂၀၂၃။
စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ ဇေယျာသီရိမြို့နယ်၊ စိမ်းစားပင်ကျေးရွာမှာ ဖေဖော်ဝါရီလ ၂၁ ရက်နေ့ညနေ ၄ နာရီခွဲလောက်မှာ မီးလောင်မှုဖြစ်ပွားခဲ့တယ်လို့ သိရပါတယ်။
အဲ့ဒီမီးလောင်မှုဟာ ကျေးရွာအတွင်း နေအိမ်တခုမှ ဘုရားဆီမီးပူဇော်ရာကနေ စတင် လောင်ကျွမ်းခဲ့တာဖြစ်ပြီး မီးလောင်ကျွမ်းမှုကြောင့် နေအိမ် ၂၁ လုံးမီးလောင်ဆုံးရှုံးခဲ့တယ်လို့သိရပါတယ်။
“မီးစလောင်တဲ့အိမ်က အမျိုးသမီးက ဘုရားမီးပူဇော်တာကနေ ဖယောင်းတိုင်မီး က စလောင်တာလို့သိရတယ်။ လောင်တာက ၂၁ လုံး ၁၉ လုံးကပြာကျတယ်၊ ၂ လုံးက နည်းနည်းဘဲကျန်တယ်။ လူထိခိုက်မှုတော့မရှိဘူး” လို့ ကူညီဆောင်ရွက်ပေးခဲ့တဲ့ ဒေသ တွင်းလူမှုကူညီရေးအဖွဲ့ဝင်တဦးက မြေလတ်အသံကိုပြောပါတယ်။
မီးလောင်မှုကို Level-1 အဆင့်သတ်မှတ်ပြီး ၁ နာရီနီးပါးအကြာငြိမ်းသတ်ခဲ့ရကာ ပျက်ဆီးဆုံးရှုံးမှုတန်ဖိုးကိုတော့ မသိရသေးဘူးလို့ သူကဆက်ပြောပါတယ်။
ပြီးခဲ့တဲ့ဖေဖော်ဝါရီလ ၁၀ ရက်ကလည်း နေပြည်တော်၊ ပုဗ္ဗသီရိမြို့နယ် ညဈေးအနီးမှာ ရပ်တန့်ထားတဲ့ဆိုင်ကယ်တစီး မီးလောင်မှုဖြစ်ပွားခဲ့သေးတယ်လို့သိရပါတယ်။
မြေလတ်အသံ၊ ဖေဖော်ဝါရီ ၇၊ ၂၀၂၃။
စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ ဇေယျာသီရိမြို့နယ်၊ စစ်ကောင်စီတပ် စစ်ရုံးချုပ်အတွင်းက စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး(စရခ)မှာ တာဝန်ထမ်းဆောင်နေတဲ့ အမျိုးသမီးတပ်ကြပ်ကြီး/စာရေး ၂ ဦး အခုလ ဖေဖော်ဝါရီလဆန်းပိုင်းက ထွက်ပြေးသွားတယ်လို့ သိရပါတယ်။
အဲ့ဒီ တပ်ကြပ်ကြီး/ စာရေးအမျိုးသမီး ၂ ဦးဟာ စစ်ကောင်စီတပ် စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး(စရခ )ရုံးရဲ့ ထိပ်တန်းလျှို့ဝှက် အချက်အလက်တွေ ထိန်းသိမ်းထားတဲ့ဌာနမှာ တာဝန်ထမ်းဆောင်သူတွေဖြစ်ပြီး သူတို့နောက်ကို စစ်ကောင်စီတပ်ရဲ့ အရေးကြီးအချက်အလက်တွေ ပါသွားတယ်လို့ ယူဆပြီး စစ်ခေါင်းဆောင်တွေက တွေ့တဲ့နေရာမှာ ပစ်သတ်ဖို့ နိုင်ငံအနှံ့ တပ်တွေကို ညွှန်ကြားထားတယ်လို့ ဆိုပါတယ်။
“၁ လပိုင်း လစာထုတ်ပြီး နောက်ရက်မှာ ပြေးသွားတာ၊ အစောပိုင်းမှာ သူတိုကိုလိုက်ပြီး ဆက်သွယ်ပြန်ခေါ်သေးတယ်။ ဘယ်လိုမှ ရှာမရတော့ ခွင့်မဲ့ကြေငြာပြီး တွေ့တဲ့နေရာမှာ ပစ်သတ်ဖို့ထိ ညွှန်ကြားထားတယ်လို့ သိရတယ်။ သူတို့ (တပ်ကြပ်ကြီး/စာရေးမ ၂ ဦး)က စရခရုံး ရဲ့ အရေးကြီးထိပ်တန်းလျှို့ဝှက်တွေ ထိန်းထားတဲ့ဌာနမှာ တာဝန်ထမ်းဆောင်ခဲ့တာဆိုတော့ အရေးကြီး အချက်အလက်တွေ ပါသွားနိုင်တယ်ဆိုပြီး အဲ့ဒီလို အမိန့်ပေးထားတာလို့ သိရတယ်။ သူတို့နောက်ကို အဲ့ဒီဒေတာတွေ ပါ၊မပါဆိုတာ ဘယ်သူမှမသိဘူး။ စစ်ခေါင်းဆောင်တွေက ထင်မြင်ယူဆချက်တွေနဲ့ သတ်ခိုင်းနေတာ” လို့ နေပြည်တော်စစ်ကောင်စီတပ် စစ်ရုံးချုပ်နဲ့ နီးစပ်တဲ့ သတင်းရင်းမြစ်တဦးက မြေလတ်အသံကို ပြောပါတယ်။
ထွက်ပြေးလွတ်မြောက်နေတဲ့ တပ်ကြပ်ကြီး/စာရေးအမျိုးသမီး ၂ ဦးဟာ အမျိုးသမီး ကွန်ပျူတာဒီပလိုမာ တပ်ကြပ်ကြီး/စာရေးသင်တန်း အမှတ်စဉ် ၃ ဆင်း တပ်ကြပ်ကြီးတွေ ဖြစ်ပြီး လက်ရှိအချိန်ထိတော့ ထွက်ပြေးလွတ်မြောက်နေဆဲ ဖြစ်တယ်လို့ သိရပါတယ်။
လက်ရှိမှာ နေပြည်တော်စစ်ရုံးအတွင်း လုံခြုံရေးပိုမိုတင်းကြပ်ထားပြီး စစ်ရုံးအတွင်းမှာရှိနေတဲ့ တပ်ကြပ်ကြီး/စာရေးအမျိုးသမီးတွေထားရှိတဲ့ အပျိုဆောင်ကိုလည်း မကြာခဏ လူစစ်ဆေးမှုတွေ လုပ်ဆောင်နေတယ်လို့ သိရပါတယ်။
စစ်ကောင်စီတပ်ရဲ့ စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး (စရခ)ဟာ စစ်ကောင်စီတပ်တခုလုံးရဲ့ နိုင်ငံအနှံ စစ်ဘက်ရေးရာလုံခြုံရေးတပ်ဖွဲ့ (စရဖ) တပ်အားလုံးကို ကွပ်ကဲနေတဲ့ ရုံးဖြစ်ပြီး စရဖတပ်တွေဟာ တော်လှန်ရေးအင်အားစုတွေရဲ့ သတင်းနဲ့ လှုပ်ရှားမှုကို အသွင်အမျိုးမျိုးနဲ့ ဖမ်းဆီးမှုတွေ လုပ်ဆောင်နေတဲ့ တပ်ဖွဲ့ဖြစ်ကာ လက်ရှိစစ်ဘက်ရေးရာ လုံခြုံရေးတပ်ဖွဲ့ အရာရှိချုပ်ဟာ စစ်ကောင်စီတွဲဖက် အတွင်းရေးမှူး ဒု-ဗိုလ်ချုပ်ကြီး ရဲဝင်းဦး ဖြစ်တယ်လို့ စစ်ဘက်သတင်းရင်းမြစ်တွေဆီက သိရပါတယ်။