Top Posts
ဆားလင်းကြီးမှာ ဒေသကာကွယ်ရေးတပ်ဖွဲ့တွေ အစည်းအဝေးလုပ်နေချိန် ဗုံးကြဲခံရလို့ ၁၁ ဦးကျဆုံး
ရွာအလှူပွဲမှာ ပကဖအဖွဲ့ဝင်တွေက အရပ်သား ၄ ဦးကို ဓားနဲ့ထိုးမှုဖြစ်ခဲ့ပြီး မြို့နယ်ပလဖထံတိုင်ကြားထား
ပုတီးကုန်းမြို့အနီးက စစ်တပ်စစ်ဆေးရေးဂိတ်ကိုတိုက်ခိုက်ပြီး ဆိုင်ကယ် ၂ စီးသိမ်း
ရေစကြိုပကဖစခန်းတခု စီးနင်းမီးရှို့ခံရ
ပကဖစခန်းအဟောင်းဗုံးကြဲခံရမှု လယ်လုပ်ရင်းယာယီနေထိုင်နေတဲ့ အမျိုးသမီး ၁ ဦးသေဆုံး
ပဲခူး-မွန်အစပ်မှာ တိုက်ပွဲဖြစ်ပြီး ပဲခူးခရိုင် PDF ၃ ဦးနဲ့ အရပ်သား ၄...

13 February 2026 11:57 PM

myaelatt athan

Sharing Information to the Local

Facebook X-twitter Youtube Telegram Spotify Instagram Tiktok
Home » မိုင်းဆွဲ » Page 3
Tag:

မိုင်းဆွဲ

သတင်း

ပျူစောထီးတွေကို PDF အဖွဲ့တွေပေါင်းပြီး နေရာခွဲတိုက်လို့ တဦးသေကာ ပြင်းထန်ဒဏ်ရာရသူများ

by ခန့်အောင်
written by ခန့်အောင်

စစ်ကိုင်း၊ ဒီဇင်ဘာ ၂၅၊ ၂၀၂၂။

စစ်ကိုင်းတိုင်း၊ ရွှေဘိုခရိုင်၊ ရွှေဘိုမြို့နယ်က ပျူစောထီးအဖွဲ့ကို နေရာ ၂ ခုခွဲကာ မိုင်းဆွဲတိုက်ခိုက်ခဲ့တယ်လို့ Shwebo Federal Army SBFAအဖွဲ့က သတင်းထုတ်ပြန်ထားပါတယ်။

ရွှေဘိုမြို့အနောက်ခြမ်း သီးလုံးကျေးရွာမှာ ဒီဇင်ဘာလ ၂၄ ရက် မနက်ပိုင်းနဲ့ တည်သီးတောရွာကို နေ့လယ်ပိုင်းအချိန်လောက် တိုက်ခိုက်ခဲ့တာလို့ ဆိုပါတယ်။

“သီးလုံးရွာက ပျူစောထီးခေါင်းဆောင် ဝင်းဇော်အောင်နဲ့မြင့်ခိုင်တို့က ရွာထဲကနေ ဆိုင်ကယ်တစီးကို နှစ်ယောက်စီးထွက်လာတာ အဲဒါကို မိုင်းဆွဲခဲ့တာပါ။ နှစ်ဦးစလုံးသေလောက်တဲ့ဒဏ်ရာ ပြင်းပြင်းထန်ထန်ရသွားတယ်။ တည်သီးတောက ပျူတယောက်ကတော့ သေပါတယ်”လို့ SBFA အဖွဲ့တာဝန်ရှိသူက ပြောပါတယ်။

ဒီဇင်ဘာလ ၂၄ ရက် မနေ့နေ့လည်ပိုင်းလောက်မှာ အသင့်စောင့်နေတဲ့ ပူးပေါင်းအဖွဲ့က လက်နက်ငယ်နဲ့ပစ်ခတ်ရာ တည်သီးတောရွာက ပျူစောထီးတဦး သေဆုံးခဲ့တယ်လို့ သူက ဆက်ပြောပါတယ်။

မနက်ပိုင်းတိုက်စဥ် ပျူစောထီးတွေက စစ်ကောင်စီတပ်ကို အကူခေါ်ရာ ရွှေဘို – ရေဦးလမ်းပိုင်းက စိုက်သိပ္ပံမှာ အထိုင်ချတပ်စွဲထားတဲ့ စစ်သား ၇ ဦးလောက်ရောက်လာပြီး RPG နဲ့ ရမ်းသမ်းပစ်ခတ်ပုန်းအောင်းနေချိန် Drone ၂ လုံး ထပ်မံတိုက်ခိုက်ရာ ပြင်းထန်ဒဏ်ရာတွေရရှိသွားတယ်လို့ ဆိုပါတယ်။

အဲဒီတိုက်ခိုက်မှုကို ShweBo Federal Army SBFA အဖွဲ့နဲ့ တိုက်နယ် ၂ မဟာမိတ်ညီနောင်အင်အားစုတွေ ပူးပေါင်းခဲ့ကြပြီး အန္တရာယ်ကင်းခဲ့တယ်လို့ သိရပါတယ်။

ပြီးခဲ့တဲ့ ဒီဇင်ဘာလ ၁၉ ရက်နေ့ကလည်း SBFA နဲ့ပူးပေါင်းအဖွဲ့တွေဟာ တည်သီးတောရွာက ပျူစောထီးတွေကို အဝေးထိန်းမိုင်း ညောင်ကိုင်းရွာ ပျူစောထီးအဖွဲ့ကို ပါဆယ်နဲ့ တိုက်ခိုက်ခဲ့ပါသေးတယ်။

0 comments 1 views
0 FacebookTwitterPinterestEmail
တိုက်ပွဲသတင်း

စစ်ကိုင်းမှာ မိုင်းရှင်းထွက်လာတဲ့စစ်အုပ်စု မိုင်းဆွဲတိုက်ခိုက်ခံရ

by နန်းခမ်း
written by နန်းခမ်း

စစ်ကိုင်း၊ ဒီဇင်ဘာ ၂၂၊ ၂၀၂၂။

စစ်ကိုင်းတိုင်း၊ စစ်ကိုင်းမြို့နယ်၊ မုံရွာ−မန္တလေးလမ်းမကြီးပေါ်ရှိ ညောင်ပင်ဝန်းရဲစခန်းကနေ မိုင်းရှင်းလင်းဖို့ထွက်လာတဲ့ စစ်ကောင်စီတပ်သားတွေရဲ့ခြေလျင်စစ်ကြောင်း ဒီဇင်ဘာလ ၂၁ ရက်မနေ့ကညနေ ၄ နာရီခွဲလောက်မှာ မိုင်းဆွဲခံရတယ်လို့သိရပါတယ်။

အဲ့ဒီစစ်ကြောင်းမှာအင်အား ၃၀ ဝန်းကျင်ပါပြီး၊ မိုင်းရှင်းလင်းဖို့ထွက်လာချိန် မြင်းမူမြို့နယ်၊ နပဲကြူးဇရပ်အနီးမှာ အသင့်စောင့်နေတဲ့ Moe Nyo Revolution Force ပူးပေါင်းတပ်ဖွဲ့မှ ပဒေသာမိုင်း ၁၀ လုံးနဲ့ မိုင်းဆွဲတိုက်ခိုက်ခဲ့တယ်လို့ဆိုပါတယ်။

“သူတို့ကမုံရွာ – စစ်ကိုင်းကားလမ်းကိုရှင်းဖို့လာတာပါ။ ကျနော်တို့ပူးပေါင်းတပ်ဖွဲ့တွေက ပဒေသာမိုင်းဆွဲလိုက်တယ်။ စခတွေထိခိုက်သေဆုံးတာတွေရှိတယ်။ အတိကျတော့မသိရသေးဘူး။ သူတို့ဘက်ကလည်းကျနော်တို့တွေကို လက်နက်ငယ်တွေနဲ့ပြန်ပစ်ခဲ့ပေမယ့် ကျနော်တို့ဘက်က အထိအခိုက်မရှိပြန်ဆုတ်လာနိုင်ခဲ့တယ်”လို့ Moe Nyo Revolution Force တပ်ဖွဲ့ဝင်တဦးကပြောပါတယ်။

လက်ရှိမှာတော့ အဲ့ဒီစစ်ကောင်စီတပ်သားတွေဟာ မြင်းမူမြို့နယ်၊ ထီးဆောင်းကျေးရွာမှာ တပ်စွဲနေတယ်လို့လည်း သိရပါတယ်။

MNRF တပ်ဖွဲ့ဝင်တွေအနေနဲ့ မုံရွာ – စစ်ကိုင်းကားလမ်းပိုင်းအတွင်း စစ်ကောင်စီတပ်ဖွဲ့ဝင်တွေကို မိုင်းဆွဲခဲ့တာဟာ တနှစ်ကျော်ခန့်ရှိပြီဖြစ်ပြီး အကြိမ်ရေ ၂၀၀ နဲ့ ၃၀၀ ကြားမှာရှိတယ်လို့လည်းဆိုပါတယ်။

ဒီတိုက်ခိုက်မှုကို Moe Nyo Revolution Force M.N.R.F နဲ့ Pentagrm ငါးထောင့်ကြယ်ညီနောင် ၂ ဖွဲ့က ပူးပေါင်းတိုက်ခိုက်ခဲ့ဖြစ်ပြီး၊ ပြီးခဲ့တဲ့ဒီဇင်ဘာလ ၈ ရက်ကလည်း စစ်ကိုင်းကနေ မုံရွာဘက်ကို Express ကား ၆ စီးနဲ့ထွက်လာတဲ့ စစ်ကောင်စီယာဉ်တန်းကို MNRF မဟာမိတ်ပူးပေါင်းတပ်ဖွဲ့က ပဒေသာမိုင်း ၁၀ လုံးနဲ့မိုင်းဆွဲခဲ့လို့ ရှေ့ဆုံးကားတစီးထိမှန်သွားခဲ့ပြီ ထိခိုက်သေဆုံးသူတွေလည်းရှိခဲ့တယ်လို့သိရပါတယ်။

0 comments 1 views
0 FacebookTwitterPinterestEmail
သတင်း

တောင်ငူမှာ စစ်သား ၈ ဦးသေဆုံးပြီးနောက် ပဲခူးရိုးမပေါ်ကို အရပ်သားကားတွေနဲ့တက်ဖို့ စစ်ကောင်စီပြင်ဆင်နေ

by MLAT
written by MLAT

မြေလတ်အသံ၊ မေ ၁၊ ၂၀၂၂။

ဧပြီ ၃၀ ရက် မနေ့က ညနေ ၆ နာရီခန့်က တောင်ငူခရိုင် PDF နယ်မြေကို စစ်ကြောင်းထိုးလာတဲ့ စစ်ကောင်စီတပ်ကို တောင်ငူခရိုင် တပ်ရင်း ၃၅၀၁ တပ်ခွဲ ၃ က မိုင်းဆွဲတိုက်ခိုက်ခဲ့လို့ စစ်သား ၈ ဦးသေဆုံးခဲ့တယ်လို့ သိရပါတယ်။

အဲ့ဒီနေ့ မတိုင်ခင် ဧပြီ ၂၉ ရက်က တောင်ငူမြို့နယ် မြာရွာအနီးမှာ စစ်ကောင်စီနဲ့ PDF တို့ တိုက်ပွဲဖြစ်ပြီး အင်အားမမျှလို့ ဆုပ်ပေးလိုက်ပေမယ့် မနေ့က ထပ်ပြီးစစ်ကြောင်းထိုးလာလို့ မိုင်းဆွဲတိုက်ခိုက်ခဲ့တာဖြစ်တယ်လို့ ပဲခူးတိုင်း PDF တာဝန်ရှိသူတဦးက ပြောပါတယ်။

“ပထမရက်မှာ ကျနော်တို့ဖက်က အင်အားမမျှလို့ ဆုတ်ပေးလိုက်ရတာကို၊ နောက်ရက် စကစဖက်က လှုပ်ရှားမှု လုပ်ပြီး စစ်ကြောင်းထိုးလာတာ။ မြာရွာဖက် ဖြစ်ပြီး နောက်ရက်မှာ ထပ်တက်လာတဲ့ စစ်ကြောင်းကို မိုင်းဆွဲတာပါ” လို့ သူကပြောပါတယ်။

မနေ့က တောင်ငူမြို့နယ်၊ စမိုးလမ်း‌အနီးရှိစမ်းမြှောင်၀န်းကျင်မှာ ရှေ့ထွက်ပြောင်းနဲ့ ပစ်ပြီး မိုင်းဆွဲခံရလို့ စစ်ကောင်စီတပ်သား အနည်းဆုံး ၈ ဦးသေဆုံးအပြီးမှာ အနောက်ရိုးမ တောင်ငူခရိုင်အတွင်းကို စစ်ကောင်စီက အရပ်သားကားတွေနဲ့ တက်ဖို့ စီစဥ်နေတယ်လို့ ပဲခူးတိုင်း PDF စစ်ဒေသ တာဝန်ရှိသူဆီက သိရပါတယ်။

“ဒီနေ့ မနက် ၁၀ နာရီ ၀န်းကျင်လောက်က ရေတာရှည်မြို့နယ်၊ ကြံသနွယ်ကျေးရွာမှာ စကစ က လူစုပြီး အနောက်ရိုးကိုတက်ဖို့ ဒေသခံကားတွေကို ချောလိုက်ဆွဲနေတာတွေရှိတယ်။ စကစ က တောင်ငူခရိုင် အနောက်ရိုးမကို နယ်မြေရှင်းလင်းရေးပုံစံ လုပ်နေတာ ဆိုတော့ အားလုံးက ဆက်စပ်နေပါတယ်” လို့ သူကဆက်ပြောပါတယ်။

ပြီးခဲ့တဲ့ ၃ လပိုင်းကတည်းက တောင်ငူခရိုင် PDF က ရိုးမပေါ်ကို အရပ်သားကားတွေ ဆိုင်ကယ်တွေ ဖြတ်သန်းသွားလာ‌တာတွေ မလုပ်ဖို့ ထုတ်ပြန်ထားပြီး၊ အရပ်သားကားနဲ့ဆိုင်ကယ်တွေ တက်လာခဲ့ရင် စစ်ကောင်စီလို့ ယူဆပြီး ပစ်ခတ်တိုက်ခိုက်သွားမယ်လို့ လည်းပါဝင်ပါတယ်။

တိုက်ပွဲဖြစ်ခဲ့တဲ့ မြာရွာအတွင်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့သလို လက်ရှိမှာလည်း တပ်စွဲထားတာရှိနေလို့ ရွာခံပြည်သူတွေ အိမ်မပြန်ရဲကြသေးပဲ တောထဲမှာ စစ်ရှောင်နေရပြီး စားနပ်ရိက္ခာ အခက်အခဲရှိနေတယ်လို့ သိရပါတယ်။

0 comments 1 views
0 FacebookTwitterPinterestEmail
တိုက်ပွဲသတင်း

နတ်တလင်းမှာ ကင်းလှည့်နေတဲ့ စစ်အုပ်စုကို PDF မိုင်းခွဲတိုက်ခိုက်လို့ ၃ဦးသေဆုံး

by MLAT
written by MLAT

ပဲခူး၊ ဧပြီ ၁၄၊ ၂၀၂၂။

ပဲခူးတိုင်း၊ သာယာဝတီခရိုင်၊ နတ်တလင်းမြို့နယ်မှာ ကင်းလှည့်နေတဲ့ စစ်ကောင်စီအုပ်စုကို အကြိုနေ့ညပိုင်းမှာ မိုင်းဆွဲတိုက်ခိုက်ခဲ့လို့ အနည်းဆုံး ၃ဦးသေဆုံးပြီး ၇ဦးနီးပါး ဒဏ်ရာ ရခဲ့တယ်လို့ သိရပါတယ်။

နတ်တလင်းမြို့နယ်ကနေ တာပွန်ကို သွားတဲ့ ကျန်တောစုလမ်းဆုံအနီးမှာ ကင်းလှည့်ဖို့လာတဲ့ ကားတစီးနဲ့ ဆိုင်ကယ် ၈စီးကို သာယာဝတီခရိုင် PDF တပ်ရင်း ၁ တပ်ခွဲ ၁က ဧပြီ ၁၃ရက်ညက အဝေးထိန်းမိုင်း ၅လုံးခွဲပြီး တိုက်ခိုက်ခဲ့တာဖြစ်တယ်လို့ ပဲခူးတိုင်း PDF တာဝန်ရှိသူက ပြောပါတယ်။

” ရဲလှည့်ကင်းကို စောင့်ပြီး မိုင်း၅လုံး ခွဲပြီး တိုက်ခိုက်တာပါ၊ ဆိုင်ကယ် ၆စီးကို တိုက်ရိုက်ထိတယ်” လို့ ပြောပါတယ်။

ကင်းလှည့်နေတဲ့ ရဲ၃ဦး သေဆုံးပြီး ၇ဦးဒဏ်ရာရရှိခဲ့တယ်လို့ သိရပါတယ်။ အဲ့နေ့ညမှာပဲ ပေါင်းတည်မြို့နဲ့ အင်းမမြို့ကြားက ဝက်ပုတ်တံတားမှာရှိတဲ့ စစ်ကောင်စီဂိတ်ကို သာယာဝတီခရိုင် PDF ကပဲ ည ၇နာရီခွဲလောက်မှာ ဖောက်ခွဲမှုတခုလုပ်ခဲ့ပေမယ့် ထိခိုက်မှုတော့ မရှိခဲ့ဘူးလို့ သိရပါတယ်။

0 comments 1 views
0 FacebookTwitterPinterestEmail
သတင်း

မြောင်မှာ စစ်အုပ်စု ကား ၁ စီး မိုင်းဆွဲခံရလို့ စစ်သား ၂ ဦးသေဆုံး

by MLAT
written by MLAT

စစ်ကိုင်း၊‌ မတ် ၂၈၊ ၂၀၂၂။

စစ်ကိုင်းတိုင်း၊ မြောင်မြို့နယ်အတွင်း မတ်လ ၂၇ ရက် မနေ့ကညနေပိုင်းမှာ စစ်ကောင်စီတပ်ဖွဲ့ဝင်တွေစီးလာတဲ့ ကားတစီး မိုင်းဆွဲတိုက်ခိုက် ခံခဲ့ရပါတယ်။

မြောင်မြို့ကနေထွက်လာတဲ့ အဲ့ဒီကားကို မြောင်မြို့တောင်ဘက်အထွက် ဆီဆိုင် ၂ ဆိုင်ကြားမှာ PDF သုံးဖွဲ့က ဆီးကြိုပြီး ပဒေသာမိုင်းနဲ့တိုက်ခိုက်ခဲ့တာလို့ မြောင်မြို့နယ်တော်လှန်ရေးတပ် – MRA တာဝန်ခံက ပြောပါတယ်။

“ ကျနော်တို့မိုင်းဆွဲတိုက်ခိုက်လိုက်တာပါ၊ မြောင်မြို့တောင်ဘက်အထွက် ဆီဆိုင် ၂ ဆိုင်ကြားထဲမှာ မိုင်းခွဲတိုက်ခိုက်လိုက်တာပါ၊ သူတို့က မြောင်ကနေ တောင်ဘက်ထွက်အလာ ညနေ ၄ နာရီလောက်မှာ ကျနော်တို့ တိုက်ခိုက်လိုက်တာပါ၊” လို့ သူကပြောပါတယ်။

တိုက်ခိုက်လိုက်တဲ့အချိန်မှာ ကားမှန်တွေလည်းကြေမွသွားပြီး၊ ကားထဲလိုက်ပါလာတဲ့ စစ်ကောင်စီတပ်ဖွဲ့ဝင် ၂ ဦးလည်း သေဆုံးခဲ့တယ်လို့ MRA တာဝန်ခံက ဆက်ပြောပြပါတယ်။

ဒီတိုက်ခိုက်မှုကို မြောင်မြို့နယ်တော်လှန်ရေးတပ် – MRA ၊ စစ်ကိုင်းခရိုင်တပ်ရင်း ၁ အရန်တပ်ခွဲ ၁ နဲ့ Zarmani Revolution Force ပြောက်ကျားတပ်ဖွဲ့တို့က ပူးပေါင်းတိုက်ခိုက်တာလို့ MRA ရဲ့ ထုတ်ပြန်ချက်မှာ ဆိုထားပါတယ်။

ဒါ့အပြင် မြောင်မြို့နယ်အတွင်း ပြောက်ကျားစစ်ဆင်ရေးတွေကို အရှိန်အဟုန်မြင့်လုပ်ဆောင်နေပြီး၊ အဲ့လိုလုပ်ဆောင်ရာမှာလည်း ပြည်သူတွေကို အထိအခိုက်မရှိအောင် ဂရုတစိုက်ဆောင်ရွက်နေတာဖြစ်သလို ပြည်သူတွေအနေနဲ့ကတော့ စစ်ကောင်စီတပ်တွေရဲ့ လှုပ်ရှားမှုတွေကို သတိကြီးကြီးထားပြီး ဂရုတစိုက်သွားလာကြဖို့ MRA က သတိပေး ပြောကြားထားပါသေးတယ်။

ဒီဖြစ်စဥ်မတိုင်ခင် ပြီးခဲ့တဲ့ မတ်လ ၂၄ ရက် ညပိုင်းမှာလည်း မြင်းမူမြို့နယ်အတွင်း ပတ်ကင်းလှည့်နေတဲ့ စစ်ကောင်စီအင်အား ၄၀ ကျော်ကို MRA အပါအဝင် မဟာမိတ် ၄ ဖွဲ့က မိုင်းဆွဲတိုက်ခိုက်ခဲ့တာကြောင့် စစ်သား ၂ ဦးသေဆုံးပြီး၊ ၈ ဦး ဒဏ်ရာပြင်းထန်ရရှိခဲ့တယ်လို့ မြေပြင်တိုက်ခိုက်သူ ရဲဘော်တွေရဲ့ပြောဆိုချက်အရ သိရပါတယ်။

0 comments 1 views
0 FacebookTwitterPinterestEmail
သတင်း

စစ်ဆရာဝန်ကားမိုင်းဆွဲခံရတာကို လာကြည့်တဲ့ စစ်အုပ်စု မိုင်းထပ်ဆွဲခံရပြီး ၄ဦးသေဆုံး ၅ဦးဒဏ်ရာပြင်းထန်

by MLAT
written by MLAT

စစ်ကိုင်း၊ မတ် ၂၂၊ ၂၀၂၂။

စစ်ကိုင်းတိုင်း၊ ကသာခရိုင် ထီးချိုင့်မြို့နယ်မှာ စစ်ကောင်စီဆရာဝန်ရဲ့ကားကို PDF က မိုင်းဆွဲ တိုက်ခိုက်ခဲ့ပြီး အဲ့ဒီဖြစ်စဥ်ကို လာကြည့်တဲ့ စစ်အုပ်စု မိုင်းထပ်ဆွဲခံရလို့ ၄ဦး‌သေဆုံးပြီး ၅ဦး ဒဏ်ရာပြင်းထန်ခဲ့တယ်လို့ သိရပါတယ်။

မတ်လ ၂၁ရက် မနေ့က ည ၈နာရီဝန်းကျင်မှာ စစ်ဆရာဝန်ကားကို ထီးချိုင့်မြို့နယ် မောင်းကုန်းကျေးရွာအနီး ဆွဲမိုင်း ၄လုံးနဲ့ တိုက်ခိုက်ခဲ့ပြီး ဆရာဝန်ဖြစ်သူ နေရာမှာပဲ သေဆုံးခဲ့သလို ဒီကနေ့ မနက်ပိုင်းမှာ ဒုတပ်ကြပ်လို့ယူဆရသူတဦး သေဆုံးခဲ့တယ်လို့ Special 9-HPDF တာဝန်ခံတဦးက ပြောပါတယ်။

“စစ်ဆရာဝန်တယောက်နဲ့ စစ်အရာရှိတယောက်ရောက်နေတယ်လို့သတင်းရထားတာရှိတာပါ၊ သူကနီကယ်အနားလေးကိုအရောက်မှာ ကြားကနေဖြတ်ပြီးမိုင်းခွဲပြီးတိုက်ခိုက်တာပေါ့၊သေဆုံးမှုကတော့ စစ်ဆရာဝန်ကတော့ နေရာမှာတင် ပွဲချင်းပြီးသေတယ်” လို့ ပြောပါတယ်။

ဆရာဝန်ကား ဖောက်ခွဲခံရပြီး နာရီဝက်အကြာမှာ ရဲနဲ့ စစ်သား‌တွေ ဆိုင်ကယ် ၃စီးနဲ့ ထပ်ရောက်လာခဲ့လို့ နောက်ထပ် မိုင်း၄ လုံးကို ခွဲပြီးတိုက်ခိုက်ခဲ့တာဖြစ်တယ်လို့ Special 9-HPDF တာဝန်ခံက ဆက်ပြောပါတယ်။

” အဲဒီလူနာတွေကိုလာခေါ်မယ့်စစ်ခွေး ရဲတွေခွေးတွေရောက်လာတယ်၊ဆိုင်ကယ် ၃ စီးနဲ့ထပ်ရောက်လာတာ၊အဲဒါကိုတကြိမ်ထပ်ပြီးတော့ ကျန်တဲ့မိုင်း ၄ လုံးကိုထပ်ခွဲလိုက်တယ် အဲဒီလိုထပ်ခွဲတာ ၂ ယောက်ထပ်သေပြီး ၅ ယောက်ကတော့ တကောင်းဆေးရုံမှာရောက်နေတယ်လို့သိရပါတယ်” လို့ အဲ့ဒီတာဝန်ခံကပဲ ပြောပါတယ်။

အဲ့ဒီနေ့က စုစုပေါင်း မိုင်း ၈လုံး ဆွဲတိုက်ခိုက်ခဲ့ပြီး တကြိမ်မှာ ၂ယောက်စီ သေဆုံးကာ စုစုပေါင်း ၄ဦး သေဆုံးခဲ့တဲ့ အပြင် ၅ဦးက ဒဏ်ရာပြင်းထန်လို့ တကောင်းဆေးရုံမှာ ဆေးကုသနေရတယ်လို့ သိရပါတယ်။

0 comments 0 views
0 FacebookTwitterPinterestEmail
တိုက်ပွဲသတင်း

တံတားဦးမှာ စစ်အုပ်စု မိုင်းဆွဲခံရလို့ တပ်သား ၃ ဦးသေဆုံး

by MLAT
written by MLAT

မန္တလေး၊ ဇန်နဝါရီ ၆၊ ၂၀၂၂။

တံတားဦးမှာ ဒီဇင်ဘာ ၅ ရက် မနေ့က စစ်ကောင်စီတပ်သားတွေ မိုင်းဆွဲခံရလို့ တပ်သား ၃ ဦးသေဆုံးကာ ၁ ဦး ဒဏ်ရာရရှိ ခဲ့တယ်လို့ Young Fighters People’s Defence Force of Myaung -YFPDF ဆီကသိရပါတယ်။

မန္တလေးတိုင်း၊ ငါန်းဇွန်မြို့ကနေ တံတားဦးဘက်ကိုထွက်လာတဲ့ အင်အား ၂၀ ကျော်ပါ စစ်ကား ၁ စီးကို သေနတ်စစ်ရွာအနီးမှာ မိုင်း ၃ လုံးနဲ့တိုက်ခိုက်ခဲ့တာဖြစ်တယ်လို့ YFPDF ရဲ့ တာဝန်ခံကပြောပါတယ်။

“ ၆ ဖွဲ့ပူးပေါင်းပြီး ပြောက်ကျားမိုင်းဆွဲတာပါ၊ မိုင်း ၃ လုံးပါ၊ သူတို့ဘက်က ၃ ယောက်သေပြီး ၁ ယောက်ဒဏ်ရာရပါတယ်” လို့သူကပြောပါတယ်။

တိုက်ခိုက်ခံရပြီးနောက် စစ်ကောင်စီဘက်က နောက်ထပ် အင်အား ၁၀၀ ကျော်ရောက်ရှိလာပြီး ဖောက်ခွဲခံရတဲ့ အနီးနားတဝိုက်တောနင်းပြီး ရှာဖွေတာတွေလုပ်ခဲ့တယ်လို့လည်း YFPDF ရဲ့ တာဝန်ခံက ဆက်ပြောပါတယ်။

ဒီတိုက်ခိုက်မှုကို ငါန်းဇွန်ပြည်သူ့ကာကွယ်ရေးအဖွဲ့တို့ ဦးဆောင်ပြီး YFPDF၊ မြောင်မြို့နယ် TGR ပြည်သူ့ကာကွယ်ရေးတပ်ဖွဲ့၊ NZ FIVE STARအဖွဲ့၊ တော်ဝင်ဒေဝီ(ငါန်းဇွန်) နဲ့ ဇာမဏီ ပြောက်ကျားတပ်ဖွဲ့တို့က ပူးပေါင်းလုပ်ဆောင်ခဲ့တာလို့လည်း သိရပါတယ်။

0 comments 4 views
0 FacebookTwitterPinterestEmail
တိုက်ပွဲသတင်း

နှမ်းခါးရွာကို မီးရှို့ပြီးပြန်လာတဲ့ စစ်အုပ်စု မိုင်းဆွဲတိုက်ခိုက်ခံရလို့ ၇ဦးသေဆုံး

by MLAT
written by MLAT

မြေလတ်အသံ၊ ဒီဇင်ဘာ ၁၉၊ ၂၀၂၁။

နှမ်းခါးရွာကိုမီးရှို့ပြီးပြန်လာတဲ့ စစ်ကောင်စီတပ်တွေ ဒီဇင်ဘာ ၁၉ရက် ဒီနေ့မနက် ၁၁နာရီလောက်က မိုင်းဆွဲတိုက်ခိုက်ခံရပြီး တပ်သား ၇ဦးသေဆုံးခဲ့တယ်လို့ People’s Defence Force-Gangaw Battalion – GB-PDF ဆီကသိရပါတယ်။

အဲ့ဒိတပ်တွေဟာ ဒီနေ့မနက်အစောပိုင်းမှာပဲ နှမ်းခါးရွာကနေအိမ် ၁လုံးနဲ့ မြင်သားရွာက နေအိမ်၁လုံးကို မီးရှို့ဖျက်ဆီးပြီး အပြန် ဂန့်ဂေါမြို့နယ်၊ သားလင်းရွာနဲ့ မြင်သားရွာကြားမှာရှိတဲ့ မြင်သားတံတားမှာ တိုက်ခိုက်ခံရတာဖြစ်တယ်လို့ GB-PDFရဲ့တာဝန်ခံက ပြောပါတယ်။

“ ပဒေသာမိုင်းအနည်းဆုံး ၉ လုံးနဲ့ဆွဲလိုက်တာပါ၊အင်အားက ၇၀ လောက်ရှိတယ်၊ သူတို့ဘက်က သေဆုံးတာ ၇ ယောက်ရှိတယ်၊” လို့သူကပြောပါတယ်။

ဒီတိုက်ခိုက်မှုကို PDF- GB အပါအဝင် မြင်သားနယ်က PDF အဖွဲ့တွေနဲ့ ပူးပေါင်းတိုက်ခိုက်ခဲ့တာဖြစ်ပြီးPDF – GBအနေနဲ့ ဂန့်ဂေါနယ်အတွင်းစစ်ကြောင်းထိုးလာတဲ့ စစ်ကောင်စီတပ်တွေကိုလည်း အားကောင်းကောင်းနဲ့တော်လှန်တိုက်ခိုက်နေတဲ့ တပ်ဖွဲ့တခုလည်းဖြစ်ပါတယ်။

0 comments 2 views
0 FacebookTwitterPinterestEmail
Newer Posts
Older Posts