ဒိန်းဂျား

ပုလဲမှာ စစ်ကောင်စီတပ်ကြပ် ၁ ဦး ပစ်ခတ်ခံရလို့သေဆုံးပြီး သေနတ် ၁ လက်ရ

မြေလတ်အသံ ၊ ဇွန် ၆ ၊ ၂၀၂၅။

မန္တလေးတိုင်း၊ နွားထိုးကြီးမြို့နယ်၊ ဝက်လူးနယ်မြေရဲစခန်းကထွက်လာတဲ့ စစ်ကောင်စီစစ်ကြောင်းနဲ့ ထိတွေ့တိုက်ပွဲဖြစ်ပြီး စစ်ကောင်စီတပ်ဖွဲ့ဝင် ၄ ဦး သေဆုံးခဲ့တယ်လို့ Natogyi People Defence Force မြင်းခြံခရိုင်အမှတ် ၄ တပ်ရင်းဆီက သိရပါတယ်။

ဇွန် ၃ ရက် နေ့လယ် ၁၁ နာရီဝန်းကျင်မှာ တပ်မ ၈၈ လက်အောက်ခံ အင်အား ၁၀၀ ဝန်းကျင်ပါ စစ်ကြောင်းနဲ့ နွားထိုးကြီးမြို့နဲ့ မင်းကုန်းရွာအကြားမှာ ထိတွေ့တိုက်ပွဲဖြစ်ပွားခဲ့တာလို့ ဆိုပါတယ်။

“ ဝက်လူးနယ်မြေရဲစခန်းကို ကျနော်တို့ ထိုးစစ်ဆင်တိုက်ခိုက်ပြီးနောက် စစ်ကူအဖြစ်ရောက်ရှိလာတဲ့စစ်ကြောင်းက စခန်းထဲဝင်ရောက်ပြီး အင်အားဖြန့်ကျက်တာတွေ၊ ခဲယမ်းဖြန့်ကျက်တာတွေ၊ ရိက္ခာဖြန့်ကျက်တာတွေလုပ်တာ။ အဲ့ဒီကနေ ပြန်ဆုတ်လာတာမှာ နွားထိုးကြီး-မင်းကုန်းရွာအနီး ကျနော်တို့ရဲ့ ရှေ့ ပွိုင့်၊ ရှေ့ကင်းနဲ့ ထိတွေ့တိုက်ပွဲငယ် အချိန်ခဏတာ အနီးကပ်ဖြစ်ခဲ့တာ” မြင်းခြံခရိုင်အမှတ် ၄ တပ်ရင်း တပ်ဖွဲ့ဝင်တဦးက မြေလတ်အသံကို ပြောပါတယ်။

ထိတွေ့တိုက်ပွဲအတွင်း စစ်ကောင်စီတပ်ဖွဲ့ဝင် ၄ ဦးထက်မနည်း သေဆုံးခဲ့ပြီး အလောင်း ၁ လောင်းနဲ့ ခဲယမ်းအချို့ သိမ်းဆည်းရမိခဲ့ကာ အဆိုပါတိုက်ခိုက်မှုကို Natogyi People Defence Force မြင်းခြံခရိုင်အမှတ် ၄ တပ်ရင်း နဲ့ အမှတ် ၁၀ တပ်ရင်းတို့က ပူးပေါင်းလုပ်ဆောင်ခဲ့တာလို့ သိရပါတယ်။

ဒါ့အပြင် စစ်ကိုင်းတိုင်း၊ ပုလဲမြို့နယ်အတွင်းမှာလည်း စစ်ကောင်စီတပ်ကြပ် ၁ ဦး ပစ်ခတ်ခံရလို့ သေဆုံးပြီး ၎င်းထံကနေ BA 94 အူဇီသေနတ် ၁ လက်ရရှိခဲ့တယ်လို့ ယင်းမာပင်ခရိုင်တပ်ရင်း ၁၉ Pale Joker PDF တာဝန်ခံက ပြောပါတယ်။

ဇွန် ၅ ရက် ယမန်နေ့မနက် ၉ နာရီခွဲဝန်းကျင်မှာ ဇီးဖြူကုန်းရွာကနေထွက်လာတဲ့ တပ်ကြပ် ၁ ဦးဟာ PDF ထိန်းချုပ်နယ်မြေပိုင်နက်အတွင်း ရောက်ရှိလာခဲ့ပြီး ပစ်ခတ်ခံခဲ့ရတာလို့ ဆိုပါတယ်။

“ ဇီးဖြူကုန်းရွာကနေ သူက သေနက် ၁ လက်နဲ့ ကျနော်တို့ဘက်ကို နယ်ကျွံလာတာ၊ ကျနော်တို့ ရဲဘော်တွေက လက်နက်ချခိုင်းတာ လက်နက်မချလို့ ဝိုင်းပစ်ခတ်ပြီးတော့ လက်နက်ကိုသိမ်းဆည်းခဲ့တာ” လို့ Pale Joker PDF တာဝန်ခံဗိုလ်ပုလဲက မြေလတ်အသံကို ပြောပါတယ်။

သေဆုံးသူမှာ မုံရွာ နမခ မှ အသက် ၄၅ နှစ်အရွယ် တပ်ကြပ် မျိုးမင်းထက် ဆိုသူဖြစ်ပြီး ၎င်းထံကနေ အူစီသေနက် ၁ လက်နဲ့ ၉ မမ ကျည် ၃၀ တောင့် တို့ကို သိမ်းဆည်းရမိခဲ့တယ်လို့ သိရပါတယ်။

စာတည်း – ဟိန်းစံ

ပေါက်၊ ဇွန် ၄၊ ၂၀၂၅။

မကွေးတိုင်း၊ ပေါက်မြို့နယ်မှာ သရက်သီးကောက်နေတဲ့ ပျူစောထီး ၃ ဦး အနီးကပ်ပစ်ခတ်ခံရတာကြောင့် နေရာမှာသေဆုံးပြီး သေနတ် ၁ လက် သိမ်းဆည်းရရှိခဲ့တယ်လို့ နွေဦးညီနောင်ပြောက်ကျားတပ်ဖွဲ့ဆီက သိရပါတယ်။

ပျူစောထီးနဲ့ စစ်ကောင်စီတပ်အထိုင်ချထားတဲ့ ကုက္ကိုစုရွာက ပျူစောထီး ၃ ဦး ဟာ အဆိုပါရွာအနောက်တောင်ဘက်ရှိ သရက်ပင်တွေမှာ သရက်သီးကောက်နေစဥ် ဇွန် ၂ ရက် နေ့လယ် ၂ နာရီ ၄၀ မိနစ်မှာ မီတာ ၅၀ ခန့်အကွာကနေ အနီးကပ်ပစ်ခတ်တိုက်ခိုက်ခဲ့တာလို့ ဆိုပါတယ်။

“ ကျနော်က ၃ ရက်စောင့်ကြည့်တယ်။ ပထမနေ့က ဂန်း(သေနတ်) ၃ လက်နဲ့လာပြီး သရက်သီးကောက်တယ်။ ဒုတိယနေ့ကျတော့ သူတို့ ဂန်း ၂ လက်နဲ့လာကောက်တယ်။ မနေ့ကဖြစ်သွားတဲ့ပွဲကျတော့ ဂန်းကတော့ပါတယ်၊ ကျနော်သွားပစ်တဲ့အချိန်မှာ ၁ လက်ပဲရရှိခဲ့တာ။” လို့ နွေဦးညီနောင်ပြောက်ကျားတပ်ဖွဲ့တာဝန်ခံက ပြောပါတယ်။

တော်လှန်ရေးတပ်ဖွဲ့တွေရဲ့ပစ်ခတ်မှုကြောင့် သရက်သီးကောက်လာတဲ့ ကုက္ကိုစုရွာပျူစောထီး ၃ ဦးဖြစ်တဲ့ အသက် ၅၀ နှစ် ကိုချိန်အောင်၊ အသက် ၄၀ နှစ် အောင်ကြိုင်နဲ့ အသက် ၁၆ နှစ် ဘိုစိုင်းတို့ နေရာမှာသေဆုံးခဲ့ပြီး ၎င်းတို့ထံကနေ AK 47 သေနတ် ၁ လက် သိမ်းဆည်းနိုင်ခဲ့တယ်လို့ ၎င်းက ဆိုပါတယ်။

ပစ်ခတ်မှုဖြစ်ပြီးနောက် ကုက္ကိုစုရွာပျူစောထီးစခန်းတွေကနေ ၆၀ မမ လက်နက်ကြီးနဲ့ ပြန်လည်ပစ်ခတ်ခဲ့ပေမယ့် တော်လှန်ရေးတပ်တွေဘက်က ထိခိုက်မှုမရှိခဲ့ဘူးလို့ သိရပါတယ်။

ပြီးခဲ့တဲ့ ဇန်နဝါရီ ၃ ရက်ကလည်း အဆိုပါပျူစောထီးနဲ့စစ်ကောင်စီတပ်အထိုင်ချတပ်စွဲထားတဲ့ ကုက္ကိုစုရွာက သက်ကြီးပိုင်းဒသေခံ ၂ ဦးကို နွေဦးညီနောင်ပြောက်ကျားတပ်ဖွဲ့က ကယ်ဆယ်ခေါ်ဆောင်ခဲ့တယ်လို့ သိရပါတယ်။

စာတည်း – ဟိန်းစံ

ပခုက္ကူ၊ ဇွန် ၂၊ ၂၀၂၅။

မကွေးတိုင်း၊ ပခုက္ကုခရိုင်၊ ပခုက္ကူမြို့နယ်၊ ဆင်မင်းရွာစစ်ကောင်စီဂိတ်ကိုပြောင်းလာတဲ့ ပြည်သူ့စစ်အဖွဲ့ကို ချုံခိုတိုက်ခိုက်ပြီး လက်နက်ခဲယမ်းတွေသိမ်းဆည်းခဲ့တယ်လို့ ပခုက္ကူမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။

ဇွန် ၁ ရက် မနက် ၈ နာရီလောက်မှာ ဆင်မင်းရွာဂိတ်ကို ကား ၂ စီးနဲ့လာတဲ့ ပြည်သူ့စစ်ခေါင်းဆောင်အပါ ၈ ဦးကို ပခုက္ကူမြို့နယ်တနေရာမှာ ချုံခိုတိုက်ခိုက်ခဲ့တာလို့ ဆိုပါတယ်။

“ကား ၂ စီးနဲ့ အင်အား ၈ ဦးပါတယ်။ ပခုက္ကူမြို့နယ်ထဲမှာတိုက်တာ၊ တိုက်ပွဲကြာမြင့်ချိန် ၄၅ မိနစ် လောက်ကြာတယ်၊ ပြည်သူ့စစ် ၄ ဦးသေဆုံးတယ်။”လို့ ပခုက္ကူမြို့နယ် ပြည်သူ့ကာကွယ်ရေးအဖွဲ့ တာဝန်ခံက ပြောပါတယ်။

ပစ်ခတ်ပြီးနောက် ပြည်သူ့စစ်တွေဆီက ပစ္စတို ၁ လက်၊ MA 3 ၁ လက်၊ G3 ကျည်ဘောက် ၉ ခု၊ MA3 ကျည်ဘောက် ၃ ခု၊ ပစ္စတိုကျည်ဘောက် ၄ ခု၊ လက်ကိုင်ဖုန်း၊ ငွေကျပ် ၃၁ သိန်း၊ ဓါးနဲ့ အခြားဆက်စပ်ပစ္စည်းတွေ သိမ်းဆည်းရခဲ့တယ်လို့ ဆိုပါတယ်။

“သူတို့က ကား ၂ စီးကိုထားပြီးတော့ ထွက်ပြေးသွားတယ်၊ ကျနော်တို့က ပြည်သူ့စစ်ခေါင်းဆောင်ကို လက်နက်ချဖို့ပြောတာမှာ ထွန်းခန့်ဝင်းဆိုတဲ့ ပြည်သူ့စစ်အဖွဲ့ဝင်က လက်နက်ချတယ်၊ အဲ့ဒါကို ကျော်စိုးနိုင်ဆိုတဲ့ ပြည်သူ့စစ်ခေါင်းဆောင်က လက်နက်ချလို့ဆိုပြီးတော့ သေနတ်နဲ့ ခြေထောက်ကိုလှမ်းပစ်တယ်၊ ကျနော်တို့ဘက်ကိုလည်းသူကပစ်တော့ အထိအခိုက်မရှိ ပြန်လည်ဆုတ်ခွာခဲ့တယ်”လို့ အထက်ပါတာဝန်ခံက ဆက်ပြောပါတယ်။

ပစ်ခတ်ပြီးနောက်ပိုင်း ၁ နာရီလောက်ကြာတော့ ပခုက္ကူမြို့ထဲကနေ လူနာတင်ယာဉ်တွေနဲ့ အလောင်းတွေလာသယ်ပြီး ဇွန် ၂ ရက်ဒီမနက်မှာတော့ ဆင်မင်းဂိတ်ကို စစ်ကောင်စီတပ်ဖွဲ့ဝင် အင်အား ၇၀ လောက်ရောက်လာတယ်လို့ သိရပါတယ်။

ဒီတိုက်ခိုက်မှုကို ပခုက္ကူမြို့နယ်ပြည်သူ့ကာကွယ်ရေးအဖွဲ့၊ ပခုက္ကူခရိုင်တပ်ရင်း ၁၆၊ ဗိုလ်ကလယ် တပ်ပေါင်းစုတို့က ပူးပေါင်းတိုက်ခိုက်ခဲ့တာဖြစ်ပါတယ်။

ဒါ့အပြင် ဇွန် ၁ ရက်မနက်အစောပိုင်း ၃ နာရီလောက်မှာလည်း ပခုက္ကူမြို့၊ မြို့ရှောင်လမ်းရှိ ခရိုင်မီးသတ်ရုံးမှာတပ်စွဲထးတဲ့ စစ်ကောင်စီအဖွဲ့တွေကို တိုက်ခိုက်ခဲ့သေးတယ်လို့ Pakokku – Special Task Force ဆီကသိရပါတယ်။

ရဲနဲ့ပျူစောထီး ၂၀ ဦးဝန်းကျင်ရှိတဲ့ အဆိုပါခရိုင်မီးသတ်ရုံးကိုတိုက်ခိုက်ရာ နာရီဝက်ခန့် ပစ်ခတ်မှုဖြစ်ခဲ့ပြီး စစ်ကောင်စီဘက်က ၅ ဦးသေဆုံးကာ ၇ ဦးဒဏ်ရာရခဲ့တယ်လို့ ဆိုပါတယ်။

“သူတို့က ဂိတ်ဖွင့်ပြီး အသွားအလာပြည်သူတွေဆီက ဆက်ကြေးကောက်တယ်၊ ခလရ ၂၅၉ တပ်ရင်းကို ကာကင်းသဘောမျိုးနဲ့နေတာ၊ ကျနော်တို့က ဝင်ရောက်ပြီး ပစ်ခတ်ရှင်းလင်းတာပါ၊ ၅ ဦးသေဆုံးပြီး ၇ ဦးလောက်ဒဏ်ရာရတယ်။”လို့ Pakokku – Special Task Force သတင်းနဲ့ပြန်ကြားရေးတာဝန်ခံ ရဲဘော်မှိုင်း က ပြောပါတယ်။

ဒီတိုက်ခိုက်မှုကို Pakokku – Special Task Force၊ Shwe Nyar Myae PDF၊ နယ်စည်းမခြားပြည်သူ့ကာကွယ်ရေးတပ်ဖွဲ့၊ မြိုင်ပကဖ တပ်ရင်း ၃ တပ်ခွဲ ၄၊ ပခုက္ကူ ပကဖ တပ်ရင်း ၁ တို့က ပူးပေါင်းပြုလုပ်ခဲ့တာလို့ သိရပါတယ်။

ပြီးခဲ့တဲ့ မေ ၁၄ ရက်ကလည်း ပခုက္ကူမြို့နယ်အတွင်း စစ်ကြောင်းထိုးပြီးပြန်လာတဲ့ ပခုက္ကူတပ်မ ၁၀၁ က စစ်ကောင်စီတပ်ဖွဲ့ဝင်တွေကို အောင်သာရွာအနီးမှာ Pakokku – Special Task Force တိုက်ခိုက်ခဲ့ရာ ၈ ဦးသေဆုံးပြီး လက်နက်ခဲယမ်းတွေ သိမ်းဆည်းရခဲ့ပါသေးတယ်။

စာတည်း – လင်း